كوشەنى جاۋىپ، كولىكتەرگە كەدەرگى جاساعان «كاسپي» كلۋبىنىڭ جانكۇيەرلەرىنە ايىپپۇل سالىندى

اقتاۋ. قازاقپارات - «كاسپي» فۋتزال كلۋبىنىڭ جانكۇيەرلەرىنە ايپپۇل سالىندى، دەپ حابارلايدى قازاقپارات ءتىلشىسى.

جانكۇيەرلەر 11-اقپان كۇنى سپورت كەشەنىنە بارار جولدا اۆتوموبيل جولىنا شىعىپ، جول قوزعالىسىنا كەدەرگى كەلتىرگەن.

كولىك قوزعالىسىنا كەدەرگى كەلتىرگەن Ford Fiesta جانە Toyota Camry كولىگىنىڭ جۇرگىزۋشىلەرىنە ق ر اكىمشىلىك قۇقىق بۇزۋ تۋرالى كودەكىسىنىڭ 593-بابى 2-بولىگى (جولاۋشىلاردى تاسىمالداۋ جونىندەگى تالاپتاردى ساقتاماۋ)، 595-بولىگى 1-بولىگى (مانەۆر جاساۋ قاعيدالارىن بۇزۋ) جانە 614-بابى 1-بولىگى (كولىك قۇرالدارىنىڭ قوزعالىسى ءۇشىن كەدەرگىلەر جاساۋ) بويىنشا اكىمشىلىك حاتتاما تولتىرىلدى»، - دەپ ءمالىم ەتتى ماڭعىستاۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

سونداي-اق قولىنداعى الاۋدى جەرگە لاقتىرعان ەر ادامعا دا اكىمشىلىك حاتتاما جاسالىپ، ايىپپۇل سالىنعان.