قاسقىرلارعا ەلەكتروندى قارعىباۋ تاعىلادى
باستى ايماق ناۋىرزىم مەملەكەتتىك قورىعى. دەرەك نەگىزىنەن ءار جەردە فوتو، بەينە كامەرالار قويۋ ارقىلى جۇرگىزىلەدى. سوسىن ەلەكتروندى قارعىباۋ تاعىپ، سول ارقىلى كوپ دۇنيەنى ءبىلۋ.
قاسقىردى زەرتتەۋ جۇمىستارى ناۋىرزىم قورىعىنىڭ ورتالىق بولىگىندە جۇرگىزىلەدى. ءار جەردە جيىرما شاقتى ماماندار تىلىمەن ايتساق فوتو تۇزاقتار قويىلعان. قاسىنان وتكەن اڭ- قۇستاردىڭ ءبارى تاسپاعا جازىلادى. ەكى- ءۇش جىل بۇرىن سپۋتنيك ارقىلى باقىلاۋ ءۇشىن ءبىر انالىق قاسقىرعا ەلەكتروندى قارعىباۋ تاعىلعان ەدى. ءبىراق ودان ناتيجە بولمادى. قاسقىر دا، قارعىباۋ دا جوعالىپ كەتتى.
گەورگي تيموشەنكو، قازاقستاننىڭ بيوالۋان تۇرلىلىگىن ساقتاۋ قاۋىمداستىعىنىڭ وكىلى:
- ەلەكتروندى تاڭبالانعان قاسقىرلار كوبىنە اڭشىلاردىڭ نىساناسىنا ىلىگىپ جاتادى. ال قورىق اۋماعىندا ونداي كەلەڭسىزدىككە جول بەرىلمەيدى. سوندىقتان ەلەكتروندى قارعىباۋ تاعىلعان قاسقىرلار بۇل جەردە ۇزاق جاساپ، ناقتى زەرتتەۋ ناتيجەلەرىنە قول جەتكىزەمىز دەگەن ويدامىن.
جىرتقىش اڭنىڭ سانىن ناقتى ايتپاعاندارىمەن، ماماندار ناۋىرزىم قورىعىندا شامامەن 30-40 قاسقىر بار دەپ توپشىلاپ وتىر. ولاردىڭ ۇيىرمەن، جۇپتاسىپ، جەكە جۇرەتىندەرى بار. ءار ءۇيىر ءوز اۋماعىنا يە. بوتەن قاسقىردى جولاتپايدى.
ەلامان كۇمىسبەكوۆ، ناۋىرزىم مەملەكەتتىك قورىعى ديرەكتورىنىڭ ورىنباسارى:
- قاڭتار ايىندا جۇرگىزىلگەن جۇمىستاردىڭ اسىندا كىشكەنە قورىتىندى جاسايتىن بولساق، ناۋىرزىم قورىعىنىڭ ورتالىق ۋچاسكەسىندە، ياعني مىناۋ بەتاعاش ورمانشىلىعى ناۋىرزىم ورمانشىلىعى اراسىندا سول ورتالىق ۋچاسكەدە بەس باس قاسقىر بار. ودان كەيىن جۇپ قاسقىرلار دا كەزدەستى. ودان كەيىن جالعىز دارا قاسقىرلار دا كەزدەستى. جالپى سانى قاۋىمداستىقپەن جۇمىس ىستەگەن ارادا جالپى سانى تۇراقتى بولىپ تۇر. سوڭعى ءۇش- ءتورت جىلدىڭ ساناعى بويىنشا ەلىك، بۇلان، قابان سياقتى تۇياقتى سۇتقورەكتىلەردىڭ سانىندا دا اۋىتقۋشىلىق جوق. ال بيىلعى زەرتتەۋ جۇمىسىنىڭ قورىتىندىسى ەكى اپتادان كەيىن شىعارىلادى.