ورال حالىقارالىق اۋەجايىن باقىلاۋ قۇقىعى قازاقستاندىق ينۆەستورلاردا قالادى
الەۋمەتتىك جەلىدە «مانشۇك مامەتوۆا اتىنداعى ورال حالىقارالىق اۋەجايىنىڭ» مەنشىك يەلەرى وزگەردى دەگەن اقپارات تاراعان بولاتىن. وسىعان بايلانىستى «Aqjaiyq» ءا ك ك» ا ق- دان اقپارات كەلىپ ءتۇستى. ودان الىنعان مالىمەتكە قاراعاندا، «ورال قالاسى حالىقارالىق اۋەجايى تەرمينالى عيماراتىن قايتا قۇرۋ جانە جاڭعىرتۋ» جوباسىن جۇزەگە اسىرۋ اياسىندا ءا ك ك مەن «ورال» حالىقارالىق اۋەجايى اراسىندا بىرلەسكەن قىزمەت جونىندە كەلىسىم جاسالعان.
«Aqjaiyq» ءا ك ك» ا ق «قاراشىعاناق پەتروليۋم وپەرەيتينگ ب. ۆ.» كومپانياسىنىڭ ءوڭىردىڭ دامۋىنا بولەتىن الەۋمەتتىك اۋدارىمدارى ەسەبىنەن ينۆەستيتسيا تارتىپ، اۋەجاي عيماراتىن قايتا جاڭعىرتتى. ينۆەستيتسيا كولەمى - 6,6 ميلليارد تەڭگە. «Aqjaiyq» ءا ك ك» ا ق تەرمينال قايتا قۇرۋدان وتكەننەن كەيىن نىساندى 2022 -جىلعى 6 -ساۋىردە «ورال» حالىقارالىق اۋەجايى» ج ش س- نە ءۇش جىل مەرزىمگە سەنىمدى باسقارۋعا بەردى. اتالعان ج ش س قۇرىلتايشىلارىنىڭ اۋىسۋى ەكى مەكەمە اراسىنداعى كەلىسىم مىندەتتەمەلەرىنە اسەر ەتپەيدى، ويتكەنى بۇل ەكى زاڭدى تۇلعا اراسىنداعى قارىم- قاتىناس»، - دەلىنگەن «Aqjaiyq» ءا ك ك» ا ق- دان تۇسكەن اقپاراتتا.
«ورال» حالىقارالىق اۋەجايى» ج ش س باسپا ءسوز قىزمەتى دە وسى ماسەلەگە وراي اقپاراتىمەن ءبولىستى. وندا اتالعان ج ش س- ءنى يەمدەنۋ جونىندەگى كەلىسىمنىڭ مارەسىنە جەتكەنى ايتىلعان. مانشۇك مامەتوۆا اتىنداعى حالىقارالىق اۋەجاي كومپانياسى- وپەراتورىن اۋەجايدى باسقارۋعا ماماندانعان قازاقستاندىق «ۋرالسك مەنەدجمەنت» ج ش س، ق ر ازاماتى د. قيلىبايەۆ جانە رەسەيلىك «رەترانس» اق- دان (قاتىسۋ ۇلەسى 49 پايىزدان كوپ ەمەس) تۇراتىن كونسورتسيۋم ساتىپ الدى. باقىلاۋ قازاقستاندىق ينۆەستورلاردا قالادى.
«جاڭا مەنشىك يەلەرى جولاۋشىلار مەن اۋە كومپانيالارى ءۇشىن قىزمەت كورسەتۋ ساپاسىن جاقسارتىپ، اۋەجايدى تەحنيكالىق جاعىنان جاراقتاندىرۋ، بيزنەس ءىسىن جانداندىرۋدى جوسپارلاپ وتىر. مۇنىڭ ءبارى حالىقارالىق تاسىمالدى دامىتۋ الەۋەتىن كوتەرىپ، سونداي- اق جۇك تاسىمالى كولەمىن وسىرۋگە مۇمكىندىك بەرەدى. قازىرگى تاڭدا ورال اۋەجايىنداعى جولاۋشىلار تاسقىنى جىلىنا 300 مىڭ ادامنان اسادى. اۋەجايدىڭ قازاقستاننىڭ سولتۇستىك- باتىسىندا ىڭعايلى ورنالاسۋى مۇندا ترانزيتتىك تاسىمالدى دامىتىپ، سونىڭ نەگىزىندە وڭىرلىك حابتى قالىپتاستىرۋعا مۇمكىندىك بەرەدى»، - دەپ حابارلادى «ورال» حالىقارالىق اۋەجايى» ج ش س- دان.
ەسكە سالا كەتەيىك، بۇدان بۇرىن ورال اۋەجايىنا مانشۇك مامەتوۆانىڭ ەسىمى بەرىلگەنىن جازعان بولاتىنبىز.
سۋرەتتەر اۆتوردىكى