امستەردام سوتى ستاتي ىسىنە قاتىستى شەشىمدى قازاقستاننىڭ پايداسىنا شەشتى
سوت ستاتيگە «سامۇرىق-قازىنا» مەن قازاقستان رەسپۋبليكاسى شەككەن سوت شىعىنىن تولەۋگە مىندەتتەدى، دەپ حابارلايدى قازاقپارات ۇلتتىق ءال-اۋقات قورىنا سىلتەمە جاساپ.
شەشىم ءىستى تالقىلاۋ بارىسىندا شىعارىلدى. وندا ستاتي «سامۇرىق-قازىنا» ءىس جۇزىندە قازاقستان رەسپۋبليكاسىنىڭ ءبىر بولىگى، سوندىقتان قازاقستانعا قارسى تورەلىك شەشىم بويىنشا بولجامدى تالاپتار ءۇشىن جاۋاپ بەرەدى دەپ مالىمدەدى.
بۇل نيدەرلاندى سوتىنىڭ «سامۇرىق-قازىنا» مەن قازاقستان رەسپۋبليكاسىنىڭ پايداسىنا ستاتي ءىسى بويىنشا العاشقى شەشىمى ەمەس.
9- قاڭتاردا امستەردام وكرۋگتىك سوتى نيدەرلاندىنىڭ جاريا تارتىبىنە قارسى كەلەتىن اناتول ستاتي، گابريەل ستاتي، Ascom Group S. A. جانە Terra Raf Trans Trading LTD. (ستاتي) پروتسەسسۋالدىق الاياقتىعى ناتيجەسىندە الىنعان تورەلىك شەشىمدى ورىنداۋ تۋرالى تالاپ-ارىزىن قاناعاتتاندىرۋدان باس تارتتى.