ءماسىموۆ بيۋجەت قاراجاتىن ءتيىمسىز پايدالانعانى ءۇشىن ايىپپۇل تولەيتىن بولدى

استانا. قازاقپارات - پاۆلودار قالالىق اكىمشىلىك قۇقىقبۇزۋشىلىق جونىندەگى مامانداندىرىلعان سوت نۇرلان ءماسىموۆتىڭ ءىسىن قارادى، دەپ حابارلايدى قازاقپارات.

وتىرىستا پاۆلودار وبلىسى پوليتسيا دەپارتامەنتىنىڭ بۇرىنعى باسشىسىنا قاتىستى ەكى ءىس قارالدى.

سوت دەپارتامەنتتىڭ 2021-جىلى 18 قىزمەتتىك جىلقىعا جەم ساتىپ الۋعا 60,9 ميلليون تەڭگە بولگەنىن انىقتادى. الايدا نورمالاردى بۇزىپ، 10,7 ميلليون تەڭگە ارتىق جوسپارلاعان. 2022-جىلى جەمگە 13,4 ميلليون تەڭگە بولىنگەن، ءبىراق نورمادان تىس 8,5 ميلليون تەڭگە قوسىلعان.

سوت ءتيىمسىز جوسپارلاۋ بيۋجەت اقشاسىن ءتيىمسىز پايدالانۋعا اكەپ سوقتى دەپ ەسەپتەيدى.

«وبلىستىق پوليتسيا دەپارتامەنتىنىڭ بۇرىنعى باسشىسىنىڭ كىناسى اكىمشىلىك قۇقىقبۇزۋشىلىق تۋرالى حاتتامالار ارقىلى، اۋديتورلىق ەسەپتەر، تەكسەرۋ كوميسسياسىنىڭ ماتەريالدارى، ايعاقتار جانە سوت زەرتتەگەن باسقا دا ماتەريالدار ارقىلى دالەلدەنەدى. سوت ق ر ا ق ب ت ك 234-1-بابى بويىنشا ايىپتالۋشىعا ءار ءىس بويىنشا 214,4 مىڭ تەڭگە كولەمىندە ايىپپۇل تاعايىندادى»، - دەپ حابارلادى سوتتىڭ باسپا ءسوز قىزمەتى.

ەسكە سالساق، 2- اقپاندا نۇرلان ءماسىموۆتىڭ ءىسى پاۆلودار مامانداندىرىلعان قىلمىستىق سوتىنا قايتارىلدى.

بىلتىر 17- قاڭتاردا پاۆلودار وبلىسى پوليتسيا دەپارتامەنتىنىڭ باسشىسى نۇرلان ءماسىموۆ قىزمەتىنەن بوساتىلعان ەدى.

سول جىلى ماۋسىمدا پاۆلودار وبلىستىق پوليتسيا دەپارتامەنتىنىڭ بۇرىنعى باستىعى نۇرلان ماسىموۆكە ىزدەۋ جاريالانعان بولاتىن. وعان اسا اۋىر سىبايلاس جەمقورلىق قىلمىس جاسادى دەگەن ايىپ تاعىلدى.

كەيىن ىزدەۋ جاريالانعان نۇرلان ءماسىموۆ تۋرالى اقپارات بەرگەن ادامعا 12 ميلليون تەڭگەگە دەيىن سىياقى بەرىلەتىنى حابارلاندى.

2022-جىلى 13- شىلدە دە ق ر ۇلتتىق قاۋىپسىزدىك كوميتەتىنىڭ وكىلدەرى نۇرلان ءماسىموۆتى رەسەيمەن شەكارادا ۇستادى.