تۇركيادا دەنەسى تابىلعان ادامنىڭ كىم ەكەنى بەلگىلى بولدى
رەسمي وكىلدىڭ حابارلاۋىنشا، 8-اقپان كۇنى كەشكىسىن حاتاي پروۆينتسياسىنا قاراستى انتاكيا قالاسىندا جۇرگىزىلگەن ىزدەۋ جۇمىستارىنىڭ بارىسىندا تۇركيا ازاماتى تابىلدى. ول امان. ونى الدىمەن قۇبىلاي كەسكين ەكەن دەپ ويلاعان، الايدا كەسكيننىڭ تۋىستارى ونى راستامادى.
9-اقپان كۇنى تاڭعى 9 دا ىزدەۋ- قۇتقارۋ جۇمىستارى جالعاسىپ، ونىڭ بارىسىندا ەكى ادامنىڭ دەنەسى تابىلدى. ونىڭ بىرەۋى تۇركيالىق قۇبىلاي كەسكين بولىپ شىقتى. ەكىنشى دەنە ءادىل قادىربەكوۆتىكى. ونى مارقۇمنىڭ تۋىستارى راستادى.
«ق ر سىرتقى ىستەر مينيسترلىگى مايىتتەردىڭ وتانىنا جەتكىزىلۋىنە بارىنشا قولداۋ كورسەتەدى. ءبىزدىڭ قۇتقارۋشىلار تۇرىك ارىپتەستەرىمەن بىرگە ءمىربولات قۇرماشەۆتى ىزدەستىرۋ ۇستىندە»، - دەدى ايبەك سمادياروۆ.
وسىعان دەيىن تۇركيادا ءۇيىندى استىنان قازاقستان ازاماتىنىڭ دەنەسى تابىلعانىن جازدىق.
سونداي-اق تۇركياداعى جەر سىلكىنىسىنەن كەيىن حابارسىز كەتكەن سابينا مامادياروۆانىڭ امان- ەسەن تابىلعانىن حابارلادىق.
قازاقستان قۇتقارۋشىلارى تۇركيادا كۇندىز-ءتۇنى جۇمىس ىستەپ جاتىر.