قانت قىزىلشاسىن قازاقستاننىڭ سولتۇستىك ايماقتارىنا ەگۋ كەرەك - ساراپشى

استانا. قازاقپارات - قازاق قايتا وڭدەۋ جانە تاماق ونەركاسىبى عىلىمي- زەرتتەۋ ينستيتۋتىنىڭ جەتەكشى عىلىمي قىزمەتكەرى نۇرلان داۋتقانوۆ قانت تاپشىلىعى ماسەلەسىن شەشۋ جولدارىن ۇسىندى، دەپ حابارلايدى قازاقپارات ءتىلشىسى.

«ءبىز پاۆلودار وبلىسىندا ءبىرقاتار سىناق جۇرگىزدىك. قانت قىزىلشاسى جاقسى وسەدى. ەگەر مۇمكىن بولسا، وسى جاقتا وسكەن قىزىلشانى تەمىرجولدى پايدالانا وتىرىپ، كوكسۋ جانە اقسۋ قانت زاۋىتتارىنا جەتكىزۋ قاجەت. ول سۋىق مەزگىلدەردە جاقسى ساقتالادى. ءونىمدى ناۋرىزعا دەيىن سولتۇستىك ايماقتاردا قولدانۋعا بولادى»، - دەپ ءبولىستى نۇرلان داۋتقانوۆ.

قوسا كەتسەك، و ك ق- دە وتكەن ساراپشىلار جيىنىنا قاتىسقان «قازاقستان قانت، تاماق جانە قايتا وڭدەۋ ونەركاسىبى قاۋىمداستىعى» زاڭدى تۇلعالار بىرلەستىگىنىڭ پرەزيدەنتى ايجان اباقان قىزى قىزىلشانىڭ ساپاسىنا قاتىستى پىكىر بىلدىرگەن ەدى. ونىڭ سوزىنشە، جەكە فەرمەرلەر زاۋىتتارعا شىرىگەن جانە قوقىس ارالاسقان ءونىم تاپسىرادى.