پرەزيدەنتتىڭ اتىراۋداعى رەزيدەنتسياسى بالالاردى ساۋىقتىرۋ ورتالىعىنا اينالادى
وبلىس اكىمى باسپا ءسوز قىزمەتىنىڭ مالىمەتىنشە، اتىراۋداعى پەرزيدەنت رەزيدەنسياسىنىڭ رەسمي قوناقتاردى قابىلداۋعا ارنالعان ءۇي اتاۋى بار.
«پرەزيدەنت رەزيدەنتسياسىنىڭ ورنىندا بالالارعا ارنالعان دەمالىس جانە ساۋىقتىرۋ ورتالىعىن اشۋ جوسپارلانىپ وتىر. بۇل مەملەكەت باسشىسىنىڭ بەس وڭىردەگى قوناقتارعا ارنالعان نىسانداردى بالالار قاجەتتىلىگىنە بەرۋ تاپسىرماسىنا سايكەس قولعا الىندى. وسى تاپسىرما شەڭبەرىندە اتىراۋ وبلىسىنىڭ مەملەكەتتىك ورگاندارى بالالاردىڭ قاجەتتىلىكتەرى ءۇشىن اتالعان نىساندى بارىنشا ءتيىمدى پايدالانۋ مۇمكىندىگىن زەردەلەي باستادى. بولاشاقتا بۇل دەمالىس جانە ساۋىقتىرۋ ورتالىعىنا اينالادى. نىساننىڭ ناقتى قاي ماقساتتا پايدالانىلاتىنى انىقتالعاننان كەيىن ونى قايتا جابدىقتاۋ بويىنشا ۇيىمداستىرۋ جۇمىستارى باستالادى»، - دەپ حابارلادى اتىراۋ وبلىسى اكىمدىگىنىڭ باسپا ءسوز قىزمەتى.
پرەزيدەنتتىڭ بۇرىنعى رەزيدەنتسياسى ماحامبەت اۋدانىنداعى اققايىڭ اۋىلىنىڭ اۋماعىندا ورنالاسقان. جايىق وزەنىنىڭ جاعاسىنداعى رەزيدەنتسياعا جاقىن ماڭنان «اتىراۋ- ورال» تاس جولى وتەدى. بۇرىنعى رەزيدەنتسيا جانىندا شاعىن جاعاجاي، ۇلكەن الما باعى بار. وزەنگە دەيىن اسفالتتالعان جول توسەلگەن.
ەسكە سالا كەتەلىك، بۇدان بۇرىن اقتوبەدەگى پرەزيدەنت رەزيدەنتسياسى بالالارعا ارنالعان نىسانعا اينالاتىنى حابارلانعان ەدى.
ودان بولەك، قوستانايداعى پرەزيدەنت رەزيدەنتسياسىنا قاتىستى اكىمدىك جۋىردا نىساننىڭ جاڭا پروفيلىن تاڭدايتىنى جازىلعان بولاتىن.
سونداي- اق، اقتاۋدا پرەزيدەنت رەزيدەنتسياسىن بالالار قاجەتتىلىگىنە بەرۋ بويىنشا جۇمىس باستالدى.