قازاقستان مەن قىتايدىڭ ساۋدا ستاتيستيكاسىنداعى ايىرماشىلىق سەبەبى اتالدى

استانا. قازاقپارات – ق ر جوعارى اۋديتورلىق پالاتاسىنىڭ مۇشەسى ارداق تەڭگەبايەۆ قىتايمەن اراداعى ءوزارا ساۋدا ستاتيستيكاسى بويىنشا ايىرماشىلىق سەبەبىن ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، اتالعان ەلمەن ءوزارا ساۋدا ستاتيستيكاسىندا ەلەۋلى ايىرماشىلىق بار. مۇنداي ايىرماشىلىققا اسەر ەتىپ وتىرعان بىرنەشە سەبەپ انىقتالدى.

«وعان ادىستەمەلىك نەگىزدەر دە سەبەپ بولۋى مۇمكىن، ياعني بۇل ستاتيستيكا ەكى ەلدە وزگەشە قارالۋى ىقتيمال. قىتايدان اكەلىنەتىن تاۋارلار بويىنشا ءبىزدىڭ جاقتاعى كەدەندىك اكىمشىلەندىرۋدىڭ ءتيىستى دەڭگەيدە بولماۋى ءوزىنىڭ اسەرىن تيگىزىپ وتىر. وسى ورايدا بۇل تاۋارلاردىڭ كەدەندىك قۇنىن تومەندەتىپ كورسەتۋ، تاۋار ساناتىن قاتە سارالاۋ جانە باسقا دا سەبەپتەر بايقالدى. ەڭ نەگىزگى سەبەپ - ول كەدەندىك قۇننىڭ تومەن باعالاۋ. ەگەر سالىستىرمالى تۇردە ايتساق، قىتاي ستاتيستيكاسى بويىنشا اياق كيىم ورتاشا ەسەپپەن 10 دوللار سوماسىندا كەلسە، ال ءبىزدىڭ ستاتيستيكادا باسقا مالىمەتتەر بولۋى مۇمكىن. بۇعان كەدەندىك اكىمشىلەندىرۋ ءتارتىبىنىڭ ءتيىستى دەڭگەيدە بولماۋى ىقپال ەتىپ وتىر»، - دەدى ا. تەڭگەبايەۆ سەناتتا تىلشىلەر سۇراعىنا جاۋاپ بەرە وتىرىپ.

بۇدان بۇرىن حابارلانعانداي، قازاقستان مەن قىتايدىڭ تاۋار اينالىمى 2022-جىلدىڭ توعىز ايىندا ",5 عا ءوسىپ، 23,2 ميلليارد دوللارعا جەتتى.

ايتا كەتەيىك، جاقىندا قىتايدان تاۋار تاسىعان كاسىپكەر زاڭسىز جولمەن 4,2 ميلليارد تەڭگە تابىس تاپقانى انىقتالدى.