التى وبلىستى توڭ باسىپ جاتىر
«توپىراقتىڭ قاتۋ تەرەڭدىگى اقمولا، قوستاناي، قاراعاندى، باتىس قازاقستان، اتىراۋ جانە اقتوبە وبلىستارىندا وتكەن جىلعى كورسەتكىشتەردەن ورتا ەسەپپەن 4-تەن 84 س م- گە دەيىن جوعارى. قاراعاندى، اقمولا، سولتۇستىك قازاقستان جانە قوستاناي وبلىستارىندا وتكەن جىلعى كورسەتكىشتەردەن ورتا ەسەپپەن 7 دەن 40 س م- گە دەيىن تومەن. جوعارىدا اتالعان فاكتورلاردى ەسكەرە وتىرىپ، اقپان مەن ناۋرىز ايلارىندا تەمپەراتۋرانىڭ كۇرت كوتەرىلۋى جانە قاتتى جاڭبىر بولعان جاعدايدا ەرىگەن قار- جاڭبىرلى سۋ تاسقىنى پايدا بولۋى مۇمكىن»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
عاليدوللا ءازيدۋلليننىڭ ايتۋىنشا، الدىن الا بولجامعا سايكەس، اقپان ايىندا رەسپۋبليكانىڭ باسىم بولىگىندە اۋا تەمپەراتۋراسى كليماتتىق نورماعا جاقىن، قازاقستاننىڭ قيىر وڭتۇستىگىندە نورمادان 1°c جوعارى بولادى دەپ بولجانادى.
«اقپان ايىندا جاۋىن- شاشىن مولشەرى رەسپۋبليكانىڭ باسىم بولىگىندە نورماعا جۋىق، اتىراۋ، ماڭعىستاۋ، باتىس قازاقستاننىڭ باسىم بولىگىندە، اقتوبە جانە قوستاناي وبلىسىنىڭ باتىسىندا نورمادان از، تۇركىستان، قىزىلوردا وبلىسىنىڭ باسىم بولىگىندە، جامبىل وبلىسى، الماتى وبلىسىنىڭ وڭتۇستىك جارتىسىندا، جەتىسۋ وبلىسىندا نورمادان كوپ دەپ بولجانادى»، - دەدى ۆيتسە- مينيستر.