ۇلتتىق بانك زەينەتاقى جيناعىن شەتەلدىك ۇيىمداردىڭ باسقارۋىنا بەرۋدى ۇسىندى

استانا. قازاقپارات – ق ر ۇلتتىق بانكى ءتوراعاسىنىڭ ورىنباسارى ءاليا مولدابەكوۆا زەينەتاقى اكتيۆتەرىنىڭ ءبىر بولىگىن جەكە باسقارۋعا بەرۋ كەزىندە قانداي وزگەرىستەر بولۋى مۇمكىن ەكەنىن ايتتى، دەپ حابارلايدى قازاقپارات ءتىلشىسى.

«ۇلتتىق بانك ق ر قارجى نارىعىن رەتتەۋ جانە دامىتۋ اگەنتتىگىمەن، ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ، مەملەكەت باسشىسىنىڭ جارلىعىمەن بەكىتىلگەن جالپى ۇلتتىق ءىس- شارالار جوسپارىن ىسكە اسىرۋ بويىنشا جۇمىس جۇرگىزدى. بۇل رەتتە زەينەتاقى اكتيۆتەرىن باسقارۋعا جەكە باسقارۋشى كومپانيالاردى تارتۋ مۇمكىندىگىن قاراستىراتىن ب ج ز ق- نىڭ ءتيىمدى ينۆەستيتسيالىق ستراتەگياسىن ازىرلەۋدى كوزدەيدى. وسى ورايدا بىرلەسە دايارلانعان ۇسىنىستارعا توقتالساق، ب ج ز ق سالىمشىلارىنا وزدەرىنىڭ قالاۋى بويىنشا جيناقتالعان زەينەتاقى قاراجاتىنىڭ % 50- عا دەيىنگى بولىگىن جەكە باسقارۋعا اۋدارۋ قۇقىعىن بەرۋ ەسكەرىلگەن»، - دەدى ءا. مولدابەكوۆا سەناتتا دەپۋتاتتارمەن كەزدەسۋ كەزىندە.

سونىمەن قاتار ول جەكە باسقارۋشى كومپانيالاردىڭ ينۆەستيتسيالىق مۇمكىندىكتەرىن كەڭەيتۋ مۇمكىندىگى قاراستىرلىپ وتىرعانىن ايتتى.

«زەينەتاقى اكتيۆتەرى تۇرعىسىندا تابىستىلىقتى قامتاماسىز ەتۋ ءۇشىن جەكە باسقارۋشى كومپانيالارعا قويىلاتىن تالاپتاردى جاقسارتۋ بويىنشا شارا قابىلداۋ كەرەك. بۇدان بولەك، جەكەمەنشىك باسقارۋشى كومپانيالاردى زەينەتاقى اكتيۆتەرىن باسقارۋعا جىبەرۋ كريتەرييلەرىن كەڭەيتۋ قاجەت. ونىڭ ىشىندە زەينەتاقى اكتيۆتەرىن باسقارۋعا كرەديتتىك رەيتينگى جوعارى شەتەلدىك ەنشىلەس ۇيىمداردى تارتۋ مۇمكىندىگىن قاراستىرۋ ۇسىنىلدى»، - دەدى ۇ ب وكىلى.

بۇدان بۇرىن حابارلانعانداي، بيىل 7- اقپان كۇنى سەناتتا الەۋمەتتىك كودەكستىڭ جوباسىن تانىستىرۋ كەزىندە ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا زەينەتاقى جۇيەسى سالاسىنداعى وزگەرىستەر تۋرالى ايتتى.

سالىمشىلار بار زەينەتاقى جيناقتارىنىڭ 50 پايىزدان اسپايتىن بولىگىن اكتيۆتەردى باسقارۋ جونىندەگى كومپانياعا بەرۋگە جانە مۇنداي كومپانيانى وزدەرى تاڭداۋعا قۇقىلى بولادى. بۇل رەتتە زەينەتاقى جيناقتارىنىڭ ساقتالۋىنا مەملەكەتتىك كەپىلدىك تەك ۇلتتىق بانك باسقاراتىن جيناق بولىگىنە عانا بەرىلەدى.

«ال جەكە باسقارۋعا بەرىلگەن زەينەتاقى جيناقتارىنىڭ ساقتالۋىنا جانە ونىڭ تابىستىلىعىنا سالىمشى تاڭداپ العان كومپانيا جاۋاپتى بولادى. سوندىقتان ءاربىر سالىمشى باسقارۋ جونىندەگى جەكە كومپانيانى تاڭداعان كەزدە ىقتيمال تاۋەكەلدەردى ەسكەرۋگە ءتيىس»، - دەدى مينيستر.

ق ر ۇلتتىق بانكى ءتوراعاسىنىڭ ورىنباسارى ءاليا مولدابەكوۆا ب ج ز ق زەينەتاقى اكتيۆتەرىنىڭ ۆاليۋتالىق ۇلەسى تۋرالى تۇسىنىك بەردى.

«ب ج ز ق زەينەتاقى اكتيۆتەرى 14,6 تريلليون تەڭگەنى قۇرادى. 2022 -جىلى بۇل كورسەتكىش 1,6 تريلليون تەڭگەگە (نەمەسە % 12,1) ءوستى. 2016 -جىلدان 2019 -جىل ارالىعىندا ب ج ز ق زەينەتاقى اكتيۆتەرىنىڭ ۆاليۋتالىق ۇلەسى كەزەڭ- كەزەڭىمەن 17 پايىزدان 33 پايىزعا دەيىن ءوستى. ۇلتتىق بانك زەينەتاقى اكتيۆتەرىنىڭ ۆاليۋتالىق ۇلەسىن 30 پايىز دەڭگەيىندە ۇستاۋدى جوسپارلاپ وتىر»، - دەدى ءا. مولدابەكوۆا سەناتتا دەپۋتاتتارمەن كەزدەسۋ كەزىندە.

ونىڭ ايتۋىنشا، 2022 -جىلدىڭ قورىتىندىسى بويىنشا زەينەتاقى اكتيۆتەرىنىڭ ءوسۋى اياسىندا، ب ج ز ق پورتفەلىندەگى ۆاليۋتالىق اكتيۆتەر ۇلەسى تومەندەپ، 28 پايىزدى قۇرادى.

«بيىل ۆاليۋتالىق اكتيۆتەردىڭ قازىرگى ۇلەسى % 28,4 جەتتى. 2023 -جىلى بۇل ۇلەستى % 30 جەتكىزىپ، الداعى ۋاقىتتا دا وسى كورسەتكىشتى ساقتاپ قالۋدى جوسپارلاپ وتىرمىز»، - دەدى ۇ ب وكىلى.

بۇدان بۇرىن حابارلانعانداي، ءا. مولدابەكوۆا سالىمشىلار ءوز زەينەتاقى جيناقتارىنىڭ ءبىر بولىگىن مەرزىمىنەن بۇرىن الۋ اياسىندا 3,5 تريلليون تەڭگەنى يگەرگەنىن ايتتى.

اۆتور

رۋسلان عابباسوۆ