استانا اۋەجايىنا تۇركيادان قازاقستان ازاماتتارى مىنگەن ارنايى رەيس قوندى
ۇشاق بورتىندا 16 قازاقستاندىق بولعان.
قازاقستاندىق قۇتقارۋشىلار گازيانتەپ قالاسىنىڭ ورتالىعىندا ىزدەۋ جۇمىستارىن باستاپ كەتتى.
بۇرىن حابارلانعانداي، پرەزيدەنت قاسىم-جومارت توقايەۆ ۇكىمەتكە تۇركيا رەسپۋبليكاسىنا ەلدىڭ وڭتۇستىك-شىعىسىندا بولعان جويقىن جەر سىلكىنىسىنىڭ سالدارىن ەڭسەرۋ ءۇشىن شۇعىل كومەك كورسەتۋدى تاپسىرعان بولاتىن.
تۇركياعا 41 ادامنان تۇراتىن توپ باردى، رەسپۋبليكالىق جەدەل-قۇتقارۋ جاساعىنىڭ قۇتقارۋشىلارىنان بولەك، اپاتتار مەديتسيناسى ورتالىعىنىڭ قىزمەتكەرلەرى دە بار. ولاردى گازيانتەپتە قازاقستاننىڭ تۇركياداعى ەلشىلىگىنىڭ وكىلدەرى قارسى الدى. ق ر توتەنشە جاعدايلار مينيسترلىگىنىڭ قىزمەتكەرلەرى كەلگەن بويدا تەحنيكا مەن قۇرال-جابدىقتاردى ءتۇسىرىپ العان.
بۇعان دەيىن قازاقستاننىڭ دەنساۋلىق ساقتاۋ مينيسترلىگى تۇركيانىڭ زارداپ شەككەن ايماقتارىنا 125 دارىگەردەن تۇراتىن بريگادا جىبەرۋگە دايىن ەكەنىن مالىمدەگەن.
تۇركياداعى جەر سىلكىنىسىنەن قازا تاپقاندار سانى 3419 عا جەتىپ، 20538 جارالانعانى حابارلاندى. 5775 عيمارات قيراپ قالدى. اپات ايماعىنا كورشى وبلىستاردان تەحنيكا مەن ءورت ءسوندىرۋ ماشينالارى جونەلتىلىپ جاتىر.