تۇركياداعى ءزىلزالا كەزىندە ءبىر قازاقستاندىق جوعالىپ كەتتى
بۇل اقپاراتتى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ راستادى.
جەر سىلكىنىسىنەن كەيىن ميراسپەن بايلانىس ۇزىلگەن. قازىر ونى ىزدەۋ جۇمىستارى جۇرگىزىلۋدە.
«دوستار، ءبىزدىڭ دوسىمىز، Astana Hub تەحنوپاركىنىڭ حالىقارالىق اگەنتى ميرۋس قۇرماشيەۆ تۇركياداعى ءزىلزالا كەزىندە جوعالىپ كەتتى. اعاسى المات قۇرماشيەۆتىڭ ايتۋىنشا، جەر سىلكىنىسى كەزىندە ول تۇركيانىڭ حاتاي قالاسىندا بولعان. سودان بەرى ونىمەن بايلانىس ءۇزىلدى. وتباسى مەن دوستارى الاڭداپ، جان-جاقتى ىزدەستىرۋدە، ءبىراق ءالى دە ەشقانداي حابار-وشار جوق. ميرۋستىڭ باۋىرى مەن دوستارى، قازاقستاندىق ەرىكتىلەر بۇگىن تۇندە ىزدەستىرۋ جۇمىستارىن كۇشەيتۋ ءۇشىن تۇركياعا ۇشادى»، - دەپ جازىلعان الەۋمەتتىك جەلىدە.
ايتا كەتەيىك، ازىرگە تۇركياداعى جەر سىلكىنىستەرىنەن قازا بولعانداردىڭ تىزىمىندە قازاقستان ازاماتتارى جوق.