تامارا دۇيسەنوۆا شاحتەرلەردىڭ زەينەتكە شىعۋ جاسىن تومەندەتۋگە قاتىستى پىكىر ءبىلدىردى
«بۇل تۇرعىدا تەك كەنشىلەردى عانا ەمەس، سونىمەن بىرگە زياندى ەڭبەك جاعدايىندا جۇمىس ىستەيتىن جۇمىسشىلاردى دا زەينەتاقىمەن قامتاماسىز ەتۋدى جالپى قامتىعان ءجون. ءبىز بۇل ماسەلەنى كوتەرسەك، ول تاۋ-كەن مەتاللۋرگيا كەشەنىندە جانە باسقا دا سالالاردا جۇمىس ىستەيتىن ازاماتتاردىڭ باسقا ساناتتارىنا دا قاتىستى بولادى. قازىرگى كەزدە جۇمىس توبى وسى سالالارعا قاتىستى جۇمىسىن اياقتاپ، ناقتى ۇسىنىستار دايىندادى. ءقازىر بۇل ۇسىنىستار ۇكىمەتتىڭ ءتيىستى قارجى-ەكونوميكالىق بلوگىندا قارالىپ جاتىر. ءبىزدىڭ ۇسىنىستارىمىزدى قاراستىرۋ ءىس-شارالارى اياقتالعاننان كەيىن، وسى ساناتتاعى جۇمىسكەرلەردى زەينەتاقىمەن قامتاماسىز ەتۋدى قاراستىراتىن ءوز نۇسقالارىمىزدى تانىستىرۋعا دايىن بولامىز»، - دەدى ت. دۇيسەنوۆا سەناتورلاردىڭ سۇراعىنا جاۋاپ بەرە وتىرىپ.
بۇدان بۇرىن حابارلانعانداي، بۇگىن سەناتتا مينيستر زەينەتاقى جۇيەسى سالاسىنداعى وزگەرىستەر تۋرالى ايتتى.