جەر سىلكىنسە نە ىستەۋ كەرەك؟
ءبىراق 5 بالعا دەيىن جەر سىلكىنىسى قاۋىپتى ەمەس. سوندىقتان ءاربىر جەر سىلكىنىسىنەن قورقىپ، داۋرىعا بەرۋگە نەگىز جوق. ال 5 بالدان جوعارى جەر سىلكىنىسى قاۋىپتى سانالادى. مۇنداي كەزدە الدىن الا جوسپارلاپ، قاۋىپسىزدىكتى ساقتاعان ءجون. بەلگىلى ءبىر جاعدايدا قانداي ارەكەت جاساۋ كەرەك ەكەنىن بىلگەندە، ءومىردى ساقتاپ قالۋعا بولادى.
جەر سىلكىنىسى كەزىندە قاي قابات قاۋىپسىز؟
1-قابات ءورت، جەر سىلكىنىسى جانە وسىعان ۇقساس كۇردەلى توتەنشە جاعدايلار كەزىندە ەڭ قاۋىپسىز ورىن سانالادى. ءبىرىنشى قاباتتاعى پاتەردەن تەز شىعۋ دا وڭاي.
جەر سىلكىنىسى كەزىندە ۇيدەگى ەڭ قاۋىپسىز ورىن
ۇيدە بولساڭىز ىشكى قابىرعاعا، بۇرىشقا، قابىرعا تىرەگىنە بارىپ تۇرىڭىز. مۇمكىن بولسا، ۇستەلدىڭ استىنا جاسىرىنىڭىز - بۇل ءسىزدى قۇلاپ جاتقان زاتتار مەن اينەكتەن قورعايدى. تەرەزەلەردەن جانە اۋىر جيھازداردان اۋلاق بولىڭىز. ەگەر بالالارىڭىز بولسا، ولاردى دەنەڭىزبەن قالقالاپ قورعاڭىز.
توسەكتە جاتساڭىز بەتىڭىزدى تومەن قاراتىپ، باسىڭىزدى جانە موينىڭىزدى جاستىقپەن جابىڭىز. سىرتتا بولساڭىز، عيماراتتاردان الىس بولىڭىز. ۇزىلگەن سىمداردان ابايلاڭىز.
جەر سىلكىنگەن كەزدە ءۇي ىشىندە نە ىستەۋگە بولمايدى؟
بولمەدەن شىعۋدىڭ ەڭ قىسقا جانە قاۋىپسىز جولىن الدىن الا جوسپارلاڭىز.
جەر سىلكىنگەن كەزدە:
• جۇگىرۋگە؛
• سىرتقى ەسىككە بارۋعا؛
• بالكونعا شىعۋعا؛
• بالكوننان نەمەسە تەرەزەدەن سەكىرۋگە؛
• ليفتتى پايدالانۋعا بولمايدى.
جەر سىلكىنىسىندەگى ەڭ قاۋىپتى زاتتار؟
جەر سىلكىنىسى كەزىندە عيماراتتارداعى ەڭ قاۋىپتى ورىندار: سىرتقى جانە ىشكى قابىرعالار شىنىدان بولسا قاۋىپتى سانالادى. مۇنداي كەزدە اينەكتەن اۋلاق بولىڭىز.
نەلىكتەن ۆاننادا جاسىرىنعان دۇرىس؟
جۋىناتىن بولمە ءسىزدىڭ قاۋىپسىز باسپاناڭىز. گاز قۇبىرلارى جوق، پاتەردىڭ ىشكى بولمەسىندە جانە تەرەزەلەرى جوق. بۇل ماڭىزدى! ءومىرىڭىزدى ساقتاپ قالۋعا سەپتىگىن تيگىزەدى.
جەر سىلكىنىسىنەن كەيىن نە ىستەۋگە بولمايدى؟
اشىق وتتى قولدانباڭىز. باسپالداقپەن تومەن تۇسۋگە بولمايدى. زاقىمدالعان عيماراتتارعا جاقىنداماڭىز، ولارعا كىرمەڭىز. تاعى قايتالانۋىنا دايىن بولىڭىز، ويتكەنى جەر سىلكىنىسىنەن كەيىنگى العاشقى 2-3 ساعات ەڭ قاۋىپتى سانالادى.
massaget.kz