الەۋمەتتىك قىزمەتكەرلەر ينستيتۋتى كۇشەيتىلەدى - ەڭبەك ءمينيسترى
بۇل تۋرالى سەناتتا الەۋمەتتىك كودەكستىڭ جوباسىن تانىستىرۋ كەزىندە ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى قازاقپارات ءتىلشىسى.
كودەكستە ەسكەرىلگەن كەلەسى قادام - ول الەۋمەتتىك قىزمەت كورسەتۋ جۇيەسىن ترانسفورماتسيالاۋ. ونىڭ باستى ماقساتى - مۇگەدەكتىگى بار ادامدار ءۇشىن، اسىرەسە اۋىلدىق جەرلەردە ارناۋلى الەۋمەتتىك قىزمەتتەردى كوبەيتۋ.
«مۇگەدەكتىگى بار ادامعا قىزمەت كورسەتۋگە وتباسى مۇشەلەرىن تارتۋ كوزدەلىپ وتىر (م ب ا). بۇل رەتتە وتباسى مۇشەسى جەكە كومەكشى نەمەسە الەۋمەتتىك قىزمەتكەرلەر رەتىندە تىركەلەدى. وسى جۇمىسقا ەڭبەكاقى تولەنەدى جانە بۇل كىرىستەن الەۋمەتتىك تولەمدەر مەن زەينەتاقى جارنالارى اۋدارىلادى. بۇل تۇرعىدا وتباسى مۇشەلەرى ەڭبەككە قابىلەتتى جاسىندا جۇمىسپەن قامتىلادى»، - دەدى ت. دۇيسەنوۆا.
تاعى ءبىر وزگەرىس - جان باسىنا شاققانداعى نورماتيۆ ەنگىزۋ.
«قىزمەتتەر ءۇشىن جەكە نورماتيۆتەر، ال كومپەنساتورلىق تەحنيكالىق قۇرالدار ءۇشىن شەكتى باعالار بولادى. بۇل وزگەرىستەر، ءبىر جاعىنان، كەيبىر قىزمەت تۇرلەرىن نەمەسە تاۋارلاردى ودان ءارى مونەتيزاتسيالاۋعا اكەلەدى. ەكىنشى جاعىنان، ارنايى الەۋمەتتىك قىزمەتتەردى ۇسىنۋعا جەكە سەكتوردى كەڭىنەن تارتۋ سالانىڭ ينفراقۇرىلىمىن اۋىلدىق جەرلەرگە جەتكىزۋگە مۇمكىندىك بەرەدى»، - دەدى مينيستر.
بۇدان باسقا، جەرگىلىكتى اتقارۋشى ورگاندار جانىنان قۇرىلعان الەۋمەتتىك قىزمەتتەر پورتالى (ءا ق پ) بويىنشا كوميسسيالارعا جاڭا وكىلەتتىكتەر بەرۋ كوزدەلەدى: ساپاسىز تاۋار نەمەسە قىزمەت تۋرالى م ب ا ءوتىنىشىن 5 كۇن ىشىندە قابىلداۋ جانە قاراۋ؛ مەرزىمدەرىن كورسەتە وتىرىپ، ۇسىنىلعان تاۋاردى نەمەسە كورسەتىلگەن قىزمەتتى تۇزەتۋ تۋرالى حاتتى ءونىم جەتكىزۋشىگە جىبەرۋ جانە ولاردىڭ ورىندالۋىن باقىلاۋ؛ تاۋار جەتكىزۋشىنى ءا ق پ- دان الىپ تاستاۋ.
«الەۋمەتتىك قىزمەت كورسەتۋ جۇيەسىن ترانسفورماتسيالاۋ اياسىندا الەۋمەتتىك قىزمەتكەرلەر ينستيتۋتىن كۇشەيتۋ كوزدەلگەن. الەۋمەتتىك جۇمىسقا بىلىكتىلىكتى تاۋەلسىز باعالاۋدان وتكەن، ءتيىستى سەرتيفيكاتى بار ماماندار عانا جىبەرىلەدى. مۇگەدەكتىگى بار ازاماتتارعا قىزمەت كورسەتەتىن مامانداردى تاڭداۋ ءۇشىن الەۋمەتتىك قىزمەتكەرلەردىڭ ءتىزىلىمى جاسالادى، وندا ولاردىڭ بىلىكتىلىگى، كورسەتىلەتىن قىزمەتتەردىڭ تۇرلەرى مەن ساپاسى، جۇمىس ناتيجەلەرى تۋرالى اقپارات قامتىلاتىن بولادى. الەۋمەتتىك قىزمەتكەرلەر ءۇشىن ۇسىنىلاتىن قىزمەتتەردىڭ بىلىكتىلىك دەڭگەيىن، ساناتى مەن ەرەكشەلىگىن ەسكەرەتىن ەڭبەكاقى تولەۋدىڭ جاڭا جۇيەسى ەنگىزىلەتىن بولادى»، - دەدى تامارا دۇيسەنوۆا.
بۇدان بۇرىن حابارلانعانداي، مينيستر وتباسىنىڭ سيفرلىق كارتاسى جايىندا ءتۇسىندىردى.
ت. دۇيسەنوۆا كەدەيلىك شەگى ەندى مەدياندىق تابىس دەڭگەيى ارقىلى انىقتالاتىنىن ءمالىم ەتتى.