قىتاي عالىمدارى تۇسىندە بيىكتەن قۇلاپ بارا جاتىپ، ويانىپ كەتۋدىڭ ءۇش سەبەبىن انىقتادى

استانا. قازاقپارات - تۇسىمىزدە تاۋدان، بيىك عيماراتتان قۇلاپ بارا جاتىپ، ويانىپ كەتەمىز. قىتايلىق ماماندار مۇنىڭ نەمەن بايلانىستى بولۋى مۇمكىن ەكەنىن ءتۇسىندىردى.

ەكى سەبەبى ادام دەنساۋلىعىنىڭ سىر بەرگەنىن بىلدىرەدى.

Sina.com قىتايلىق باسىلىمىنىڭ حابارلاۋىنشا، اتالمىش سيمپتوم قالىپتى فيزيولوگيالىق رەاكسيا سانالادى - بۇل بۇلشىقەتتىڭ تارتىلۋى دەپ اتالادى. ءبىز ۇيىقتاپ جاتقاندا، تىنىس الۋ جيىلىگى ايتارلىقتاي تومەندەيدى، ءبىراق امپليتۋداسى وزگەرىسسىز قالادى - ءبارى قالىپتى جۇمىس ىستەپ تۇرعانىن تەكسەرۋ ءۇشىن مي وقىس اركەت ەتەدى. سول كەزدە ءبىز تۇسىمىزدە جوعارىدان قۇلاپ كەتەمىز، مۇنىڭ سالدارىنان بۇلشىقەتتەر جيرىلادى. زەرتتەۋلەرگە سايكەس، ادامداردىڭ شامامەن 70 پايىزى مۇنداي كۇيدى تۇسىندە باستان كەشىرگەن.

بۇدان بولەك ۇيقتاپ جاتقاندا بۇلشىقەتتەردىڭ جيىرىلۋىن تۇسىندىرەتىن ءۇش سەبەپ بار.

1. قاتتى شارشاۋ

ونىڭ سەبەبى كۇندىز تىم شارشاعانىڭىز بولۋى مۇمكىن. ۇزاق ۋاقىت بويى بىردەڭەگە الاڭداساڭىز، جۇيكەڭىز جۇقارسا، بۇل ۇيقىنىڭ ساپاسىنا، سونىڭ ىشىندە بۇلشىقەتتەردىڭ جيىرىلۋىنا اسەر ەتەدى. سوندىقتان، ەگەر مۇنداي سپازمتار ءسىزدى مەزگىل-مەزگىل مازالايتىن بولسا، دۇرىس دەمالۋدى ۇيرەنۋگە تىرىسىڭىز، ارتىق جۇمىستان اۋلاق بولىڭىز.

2. كالتسي تاپشىلىعى

كوپتەگەن ادام بۇل جاعداي كالتسي تاپشىلىعىنا بايلانىستى بولۋى مۇمكىن دەپ ويلايدى. بۇل دا شىندىققا جاناسادى. كالتسيدىڭ ايتارلىقتاي جەتىسپەۋشىلىگىمەن بۇلشىقەتتەردىڭ جيىرىلۋىنان باسقا، بۇلشىقەتتەر مەن نەرۆتەردىڭ قوزۋىنا اكەلەدى. تۇندە اياقتىڭ تارتىلۋىن جانە وسىعان ۇقساس پروبلەمالاردى بولدىرماۋ ءۇشىن كالتسي دەڭگەيىن باقىلاۋ جانە جەتىسپەۋشىلىك بولعان جاعدايدا ۋاقىتىندا ونىڭ ورىن تولتىرۋ ماڭىزدى.

3. باۋىر جانە بۇيرەك جەتكىلىكسىزدىگى

ەگەر ۇيىقتاپ جاتقاندا بۇلشىقەتتەردىڭ جيىرىلۋىن بايقاساڭىز، تىم كوپ ۋايىمداماڭىز - بۇل شامادان تىس شارشاعاندىقتان بولۋى مۇمكىن. اياق تارتىلۋى ءجيى قايتالانسا، بۇل بۇيرەك پروبلەمالارى مەن بۇيرەك جەتكىلىكسىزدىگىنىڭ بەلگىسى بولۋى مۇمكىن ەكەنىن ەسكەرگەن ءجون. بۇل جاعدايدا دەر كەزىندە مامان دارىگەرگە حابارلاسىپ، اۋىر سىرقاتتانۋ مۇمكىندىگىن بولدىرماۋ ءۇشىن تەكسەرۋدەن ءوتۋىڭىز كەرەك.