جاھاندىق سىن- قاتەرلەردى شەشۋ ماقساتىندا استانادا جاڭا حالىقارالىق فورۋم وتەدى

استانا. قازاقپارات - حالىقارالىق قوعامداستىق جىككە بولىنۋشىلىكتىڭ كۇشەيۋى مەن گەوساياسي ءبولىنۋ داۋىرىنە قادام باسقان كەزەڭدە قازاقستان نەگىزگى جاھاندىق سىن- قاتەرلەردى شەشۋ ءۇشىن كۇش جۇمىلدىرۋ ماقساتىندا جاڭا ديالوگ الاڭى - استانا حالىقارالىق فورۋمىن وتكىزۋدى قولعا الادى.

بۇل تۋرالى قازاقپارات سىرتقى ىستەر مينيسترلىگى سايتىنا سىلتەمە جاساپ حابارلايدى.

فورۋم قازاقستان پرەزيدەنتى قاسىم- جومارت توقايەۆتىڭ قولداۋىمەن 2023 -جىلعى 8-9-ماۋسىمدا استانا قالاسىندا وتەدى. اتالعان فورۋم كليماتتىڭ وزگەرۋىنە، ازىق- تۇلىك تاپشىلىعىنا جانە ەنەرگەتيكالىق قاۋىپسىزدىككە قاتىستى ماسەلەلەردى شەشۋ جولدارىن قاراستىرۋ ماقساتىندا شەتەل ۇكىمەتتەرىنىڭ، حالىقارالىق ۇيىمداردىڭ، بيزنەس پەن عىلىمي ورتانىڭ جوعارى لاۋازىمدى دەلەگاتتارىنىڭ ديالوگىنە ارنالعان الاڭ بولماق.

«بۇگىندە ءبىز بۇكىل الەم بويىنشا تاريحي سىن- قاتەرلەرمەن بەتپە- بەت كەلىپ وتىرمىز. مۇنداي جاعدايدى ونداعان نەمەسە ودان دا كوپ جىل بويى باستان وتكەرمەدىك. بۇل سىن- قاتەرلەر حالىقارالىق قاۋىمداستىققا بۇرىن- سوڭدى بولماعان اۋىرتپالىق اكەلىپ، جاڭا بولىنۋشىلىك تۋدىرىپ، جاھاندانۋ مەن مۋلتيلاتەراليزم قاعيداتتارىنا قارسى كەلىپ جاتىر.

استانا حالىقارالىق فورۋمى الەمدىك جۇيەنىڭ نەگىزگى پوستۋلاتى رەتىندە ىنتىماقتاستىققا باسىمدىق بەرە وتىرىپ، وسى سىن- قاتەرلەرگە توتەپ بەرۋ ءۇشىن قۇرىلدى.

شىعىس پەن باتىس اراسىن بايلانىستىرۋشى كوپىر قىزمەتىن اتقارىپ وتىرعان قازاقستاننىڭ سىندارلى حالىقارالىق قاتىناستاردى دامىتۋ بويىنشا تەرەڭ تاريحى بار. بۇل ساياسات 2022 -جىلى ەلەۋلى سىناقتان وتكەنىمەن، ءوزىنىڭ ورنىقتىلىعىن دالەلدەدى. ءبىز ىنتىماقتاستىقتىڭ قۇندىلىعىن كورسەتە بىلدىك.

استانا حالىقارالىق فورۋمى ارقىلى جاڭا ديپلوماتيالىق، ەكونوميكالىق جانە ساياسي جولداردى ايقىنداي وتىرىپ، الدىمىزدا تۇرعان ورتاق سىن- قاتەرلەردى بىرلەسە جەڭۋ ءۇشىن جاڭا قاتىناس كوپىرلەرىن ورناتىپ، بايلانىستاردى نىعايتامىز دەپ ۇمىتتەنەمىز»، - دەدى قاسىم- جومارت توقايەۆ.

استانا حالىقارالىق فورۋمىنىڭ ىسكە قوسىلۋىنا استانا ەكونوميكالىق فورۋمىنىڭ جەتىستىگى سەبەپ بولدى. ونىڭ تۇجىرىمداماسى سىرتقى ساياسات، قاۋىپسىزدىك جانە تۇراقتىلىق، ەنەرگەتيكا مەن كليمات، سونداي- اق ەكونوميكا جانە قارجى سياقتى ءتورت نەگىزگى جاھاندىق ماسەلەنى شەشۋگە ارنالعان. اتالعان ماسەلەلەر فورۋمنىڭ «ديالوگ ارقىلى سىن- قاتەرلەردى شەشۋ: ىنتىماقتاستىق، وركەندەۋ جانە پروگرەسس جولىندا» ميسسياسىنىڭ وزەگى بولادى.

فورۋم باعدارلاماسىنا نەگىزگى باياندامالار، پانەلدىك سەسسيالار، پىكىرتالاستار جانە باسقا دا ءىس- شارالار كىرەدى.

ءىس- شاراعا تىركەلۋ ءراسىمى اشىلدى. مۇددەلى تۇلعالار مىنا سىلتەمە بويىنشا تىركەلە الادى.

فوتو: gov.kz