اۆتونەسيە ءۇشىن بارىنە اقشا ءبولۋ مۇمكىن بە؟ رينات عاپپاروۆ جاۋاپ بەردى

استانا. قازاقپارات - ونەركاسىپتى دامىتۋ قورى باسقارما ءتوراعاسىنىڭ ورىنباسارى رينات عاپپاروۆ حالىققا اۆتنەسيە بەرۋ توڭىرەگىندەگى احۋالعا پىكىر ءبىلدىردى، دەپ حابارلايدى قازاقپارات ءتىلشىسى.

«ءبىز الدىن الا ەسكەرتىپ، 5 كۇن بۇرىن نە ءبارى 761 ورىن بولاتىندىعىن جاريا ەتتىك. ويتكەنى، جينالعان قارجىنىڭ بارى 7,6 ميلليارد تەڭگە عانا. سوعان وراي كرەديتتىڭ ەڭ جوعارى سوماسى 10 ميلليون تەڭگە بولعان كەزدە 761 ورىن عانا بولادى. قازاقستاندىقتارعا اۆتونەسيە ءۇشىن بارىنە اقشا بولە المايتىندىعىمىزدى ەسكەرتتى. بۇل مۇمكىن ەمەس»، - دەدى رينات عاپپاروۆ ۇكىمەت وتىرىسى اياسىندا ب ا ق وكىلدەرىنىڭ ساۋالىنا وراي.

وسى رەتتە ول اۆتونەسيەگە ءوتىنىم بەرۋ پورتۆلىنىڭ جۇمىسىنداعى ىركىلەسكە قاتىستى دا تۇسىندىرمە بەردى.

«سەبەبى 761 ادام تىركەلگەننەن كەيىن تۇيمەشىك جارامسىز بولىپ، قاتە دەگەن بەلگى بەرە باستادى. باعدارلامادا ناقتىلىق تا بولمادى، ونىمەن قازىر جۇمىس ىستەپ جاتىرمىز. ول ىلكى جوبا رەتىندە ىسكە قوسىلدى. بىزگە بارلىق پىكىرلەر مەن ەسكەرتپەلەر الۋ قاجەت. كەلەسى جولى، مامىردان باستاپ اي سايىن ىسكە قوسۋ كەزىندە مۇنىڭ ءبارىن تۇزەتەمىز»، - دەدى ول.