كريشتيانۋ رونالدۋ ساۋد ارابياسىنىڭ فۋتبولىنا قانداي وزگەرىس اكەلدى
Championat.com سايتىنان ءمالىم ەتكەنىندەي، وسى مەرزىم ىشىندە رونالدۋ جاڭا كومانداسى ساپىندا الاڭعا شىعىپ، گول دا سوعىپ ۇلگەردى. ايتسە دە ونىڭ ساۋد ارابياسىنا كەلۋى ازىرگە كوپشىلىك كۇتكەندەگىدەي، ناتيجە بەرە قويعان جوق.
رونالدۋ جانكۇيەرلەرى قاي جەردە دە جەتكىلىكتى الەمدىك دەڭگەيدەگى جۇلدىز بولسا، ساۋد ارابياسى وسىنداي قادامدارمەن تۋريستەردى كوبىرەك تارتقىسى كەلەدى. كورولدىك 2030-جىلعا قاراي 100 ميلليون ادامدى تارتىپ، تۋريستەردى كوپ قابىلدايتىن الەمدەگى بەس جەتەكشى ەلدىڭ قاتارىنا قوسىلۋدى كوزدەۋدە.
رونالدۋمەن كەلىسىمگە قارسىلار وعان وراسان زور قارجىنىڭ جۇمسالۋى ءوزىن-ءوزى اقتامايدى دەپ بىلەدى. اسىرەسە، ولاردىڭ داۋىستارى پورتۋگاليالىق جۇلدىزدىڭ «ال-ناسر» ويىنىن كەرەمەتتەي جاقسارتا قويماعاننان كەيىن قاتتى ەستىلە باستادى. دەگەنمەن رونالدۋدىڭ فۋتبول ەلشىسى رەتىندەگى ميسسياسىن جاقتايتىندار دا از ەمەس. ولار ءبىر عانا ايدىڭ ىشىندە كلۋبتىڭ نارىقتاعى باعاسى 80 ميلليون ەۋروعا نەمەسە 34 پايىزعا وسكەندىگىن العا تارتادى، بۇل ساۋديا بىرىنشىلىگىندەگى قارسىلاستارىنىڭ بارىنەن كوپ. رونالدۋدىڭ ترانسفەرى تابىس اكەلۋمەن قاتار جاڭا ويىنشىلاردىڭ كەلىپ، دەمەۋشىلىكتىڭ ارتىپ، كورەرمەندەر قاتارىنىڭ مولايۋىنا اسەر ەتەدى دەگەن ءۇمىت بار. مىسالى، «ال-ناسر» دۇكەنىندە كۇن سايىن ارقاسىندا «رونالدۋ» دەگەن جازۋى بار 400 فۋتبولكا ساتىلادى ەكەن. ونىڭ باعاسى ارزان ەمەس، 100 دوللار. سول سەكىلدى رونالدۋ كەلگەننەن كەيىن اتالمىش كلۋبتىڭ الەۋمەتتىك جەلىدەگى پاراقشاسىنا جازىلعاندار سانى ءبىر ايدا 12 ميلليون ادامعا وسكەن.
ساۋد ارابياسىنىڭ چەمپيوناتىن الەم ەلدەرى تەلەديدارلارىنان كورسەتە باستاۋى دا - يگى بەتبۇرىستىڭ ءبىرى. قاڭتار ايىنىڭ ورتاسىندا PRO- ليگا دۇنيەجۇزىلىك نارىقتا مەدياقۇقىقتى ساتۋعا سەپتەسەتىن IMG اگەنتتىگىمەن كەلىسىمگە وتىرعان. قازىردىڭ وزىندە كوپتەگەن ەلدەردە، ءبىرىنشى كەزەكتە پورتۋگاليا، يسپانيا، قىتاي، تايلاند جانە يندونەزيادا 37 تەلەارنا ساۋديا ليگاسىنىڭ ماتچتارىن كورسەتۋدە. بۇل باسى عانا. ليگا تەلەكورسەتىلىمدەر ءۇشىن قوسىمشا سۇرانىستار الۋدا. پورتۋگاليانىڭ Sport TV تەلەارناسى «ال-ناسردىڭ» ءاربىر ويىنىن كورسەتۋدە. يتاليادا SportItalia تەلەكورسەتىلىم عانا ەمەس، كوماندا مەن بىرىنشىلىك تۋرالى رەپورتاجدار سەرياسىن ۇسىنباقشى.
رونالدۋدىڭ كەلۋىنە بايلانىستى بىرىنشىلىك باسشىلىعى دا وزگەردى. بۇرىن Nike, «مانچەستەر سيتي» جانە UFC- تا باسشىلىق قىزمەت اتقارعان گارري كۋك ليگانىڭ اتقارۋشى پرەزيدەنتى ءارى باس ديرەكتورى بولدى.
قورىتا ايتقاندا، ءار تاراپتان كريشتيانۋ رونالدۋدىڭ ويىنىن تاماشالاعىسى كەلەتىن جانكۇيەرلەردىڭ كوبەيەرى انىق. بۇل دا ساۋد ارابياسىنا تابىس اكەلەتىنى تۇسىنىكتى.
ەسكە سالا كەتەيىك، بۇدان بۇرىن كريشتيانۋ رونالدۋ جالاقىسىنىڭ باسىم بولىگى ساۋد ارابياسىنىڭ بيۋجەتىنەن تولەنەتىنىن جازعان بولاتىنبىز.
سونداي- اق كريشتيانۋ رونالدۋ «ال- ناسر» قۇرامىندا العاشقى گولىن سوقتى.
گارري كەين «توتتەنحەم» تاريحىندا ەڭ مەرگەن ويىنشى اتاندى.