اقمولا وبلىسىنداعى ەسكى شاحتادا جاسىرىن تۋننەل تابىلدى
15:35, 06 - اقپان 2023
كوكشەتاۋ. قازاقپارات - ستەپنوگور قالاسىنا قاراستى اقسۋ كەنتىندەگى ەسكى شاحتاعا تۇسەتىن جاسىرىن جەر استى تۋننەلى تابىلدى، دەپ حابارلايدى قازاقپارات ءتىلشىسى اقمولا وبلىستىق پ د باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، ستەپنوگور قالالىق پ ب قىزمەتكەرلەرى اقسۋ كەنتىنىڭ اۋماعىندا جەدەل-الدىن الۋ ءىس-شارالارىن جۇرگىزۋ بارىسىندا ەسكى شاحتاعا زاڭسىز كىرۋگە ارنالعان جاسىرىن تۋننەلدى انىقتادى.
«تۋننەلدىڭ ديامەترى 1,5 جانە تەرەڭدىگى 8-10 مەتر، وسى ارقىلى جۇمىس ىستەمەيتىن شاحتانىڭ تومەنگى قاباتىنا تۇسۋگە بولادى. پوليتسيا قىزمەتكەرلەرى مەن «التىن الماس ا ك» ا ق قىزمەتكەرلەرى بىرىگىپ تۋننەلدىڭ جولىن تاپتى»، دەدى ۆەدومستۆودان.