اقتوبەدە كولىكتەردى الىپ- ساتۋ سحەماسى بويىنشا قارجى پيراميداسى انىقتالدى

اقتوبە. قازاقپارات - اقتوبەدە اۆتوكولىكتەردى الىپ- ساتۋ سحەماسى بويىنشا قارجىلىق پيراميدا ۇيىمداستىرعان. بۇل تۋرالى قازاقپارات قارجىلىق مونيتورينگ اگەنتتىگىنە سىلتەمە جاساپ حابارلايدى.

سالىمشىلاردىڭ كولىگىن ءبولىپ تولەۋ ارقىلى، نارىقتاعى باعادان قىمباتقا ساتىپ الىپ، ءۇشىنشى تۇلعالارعا ارزانىراق ساتقان.

اتالعان قىلمىستى ق م ا اقتوبە وبلىسى بويىنشا دەپارتامەنتىنىڭ قىزمەتكەرلەرى وڭىرلىك پروكۋراتۋرامەن جانە ۇ ق ك د- مەن بىرلەسىپ، استانا قالاسى بويىنشا ەكونوميكالىق تەرگەپ- تەكسەرۋ دەپارتامەنتىنىڭ كومەگىمەن انىقتادى.

«Auto Seller» ج ش س لومبارد كەيپىندەگى قارجىلىق پيراميدا اقتوبە وبلىسىنىڭ اۋماعىندا 2022 -جىلعى ناۋرىز ايىنان باستاپ جۇمىس جاساعان. ماتەريالدىق زالال سوماسى 300 ميلليون تەڭگەدەن اسادى. لومبارد قىزمەتكەرلەرى اۆتوكولىك يەلەرىنە (تىركەۋ ەسەبىنە قاراماستان) كولىكتەرىن جوعارى باعامەن ساتىپ الۋدى ۇسىنعان. نوتاريالدى كۋالاندىرىلماعان، رەسمي تىركەلمەگەن، ءبولىپ تولەۋدى كوزدەيتىن، ساتىپ الۋ- ساتۋ شارتتارىن جاساسقان. سودان كەيىن كولىكتەر ءۇشىنشى تۇلعالارعا تومەن باعامەن ساتىلدى، ال تۇسكەن اقشا ءوز مۇلكىن ساتقىسى كەلەتىن كەلەسى سالىمشىلارعا تولەندى. «Auto Seller» ج ش س زاڭدى مەكەن- جايى بويىنشا ءتىنتۋ بارىسىندا تەحنيكا، زاڭسىز قىزمەتكە قاتىستى قۇجاتتاما، ءدىني سيپاتتاعى ادەبيەتتەر جانە بانك كارتالارى تاركىلەندى»، - دەلىنگەن حابارلامادا.

سوت شەشىمى بويىنشا كۇدىكتىلەر ەكى اي مەرزىمگە قاماۋعا الىندى.