قاتاردا جاندىكتەردەن جاسالعان تاماقتى ساتۋعا تىيىم سالىندى
بۇل شەشىم ەۋرووداقتىڭ جەۋگە رۇقسات ەتىلگەن جاندىكتەر ءتىزىمىن كەڭەيتۋ تۋرالى جارلىعىنان كەيىن قابىلداندى، دەپ حابارلايدى قازاقپارات ۆەدومستۆونىڭ Twitter اككاۋنتىنا سىلتەمە جاساپ.
«قوعامدىق دەنساۋلىق ساقتاۋ مينيسترلىگى كەيبىر ەلدەردىڭ تاماق دايىنداۋدا جاندىكتەردى پايدالانۋدى ماقۇلداعان شەشىمى تۋرالى اقپاراتتىڭ تارالۋىنا بايلانىستى قۇرامىندا جاندىكتەرى بار تاعامداردى ساتۋعا تىيىم سالاتىنىن مالىمدەيدى. مۇنداي ونىمدەر حالال تاعامنىڭ تەحنيكالىق تالاپتارىنا جانە جاندىكتەردى، پروتەيندى نەمەسە ودان جاسالعان قوسپالاردى جەۋگە تىيىم سالاتىن بيلىكتىڭ ءدىني پىكىرىنە سايكەس كەلمەيدى»، - دەلىنگەن مينيسترلىكتىڭ حابارلاماسىندا.
بۇعان دەيىن ەۋروپا ازىق- تۇلىك قاۋىپسىزدىگى باسقارماسى قاۋلى شىعارىپ، ەۋرووداق ەلدەرىندە ءۇي شەگىرتكەسىنەن جاسالعان ءىشىنارا مايسىزداندىرىلعان ۇندى جەۋگە رۇقسات ەتىلگەنى حابارلانعان ەدى.
مۇنداي ۇن شەگىرتكەلەردى ۇنتاقتاۋ ارقىلى الىنادى.
ولاردى ءبىر كۇن بويى تاماقتاندىرمايدى، سودان كەيىن مۇزداتادى، جۋادى، تەرميالىق وڭدەۋدەن وتكىزەدى، مايسىزداندىرادى، سودان كەيىن ۇنتاقتايدى.
مۇنداي ءونىم اقۋىزعا باي جانە اعزاعا زيانسىز دەپ سانالادى.
جاڭا نورمالارعا سايكەس شەگىرتكە ۇنىن پيتستساعا، ماكارونعا، تاعامدارعا، تۇزدىقتارعا، ءپىسىرۋ قوسپالارىنا، كەيبىر وڭدەلگەن تاعامدارعا قوسۋعا رۇقسات ەتىلگەن.