اقتۇتەك اقپان: بۇل ايدا اۋا رايى قانداي بولادى؟

استانا. قازاقپارات - «قازگيدرومەت» ر م ك سينوپتيكتەرى اقپانعا ارنالعان اۋا رايى بولجامىن ۇسىندى.

اقپاننىڭ العاشقى ونكۇندىگىندە رەسپۋبليكانىڭ وڭتۇستىك تۇرعىندارىن جىلى جانە جاۋىن-شاشىندى كۇن رايى كۇتەدى.

وڭتۇستىك سيكلونداردىڭ ءجيى شىعۋى قاتتى جاۋىن-شاشىننىڭ تۇسۋىنە الىپ كەلەدى، قازاقستاننىڭ وڭتۇستىگى مەن وڭتۇستىك-شىعىسىنداعى تاۋلى اۋدانداردا قار ارالاس جاڭبىر جاۋۋى مۇمكىن. اۋا تەمپەراتۋراسى تۇندە 2+5- گرادۋسقا دەيىن، كۇندىز 5+12+ گرادۋسقا دەيىن جوعارىلايدى.

«العاشقى ونكۇندىكتىڭ اياعىندا قايتادان تۇندە 3-15- گرادۋسقا دەيىن، كۇندىز 0، 8+ گاردۋسقا دەيىن سالقىندايدى. ەلىمىزدىڭ باتىس ايماقتارىنا سولتۇستىك- باتىس سيكلونمەن بايلانىستى اتموسفەرالىق فرونتتار اسەر ەتەدى، ءبىرىنشى ونكۇندىكتە باتىس ايماقتاردىڭ تۇرعىندارىن اۋا رايىنىڭ تۇراقسىز سيپاتى، جاڭبىر مەن جىلبىسقى قار تۇرىندەگى ارالاس جاۋىن- شاشىن مەن ەكپىندى جەل كۇتەدى. اۋا تەمپەراتۋراسىنىڭ كۇندىزگى فونى 3+5- گرادۋس شەگىندە بولجانادى.

قازاقستاننىڭ قالعان ايماقتارىندا ءبىرىنشى ونكۇندىكتىڭ العاشقى جارتىسىندا ءسىبىر انتيسيكلونىنىڭ اسەرىمەن ايازدى، نەگىزىنەن جاۋىن-شاشىنسىز اۋا رايى ساقتالادى. كەزەڭنىڭ ەكىنشى جارتىسىندا ءسىبىر انتيسيكلونى السىرەيدى، جەرورتا تەڭىزى اۋداندارىنان سيكلون رەسپۋبليكانىڭ سولتۇستىك- باتىسىنا قاراي جىلجيدى، ەلىمىزدىڭ سولتۇستىك جارتىسىندا اتموسفەرالىق فرونتتاردىڭ كۇشەيۋىمەن قار جاۋۋى، بۇرقاسىن، جەلدىڭ كۇشەيۋى سەكۋندىنا 15-25 مەترگە دەيىن بولجانادى»، - دەلىنگەن سينوپتيكتەر بولجامىندا.

اۋا تەمپەراتۋراسى قاي ايماقتاردا جىلىنادى؟

ەلىمىزدىڭ سولتۇستىگىندە تۇندە 20-28- گرادۋستان 15-20- گرادۋسقا دەيىن، كۇندىز 8-18- گرادۋستان 5-10- گرادۋسقا دەيىن؛

ورتالىق ايماقتاردا اۋا تەمپەراتۋراسى تۇندە 13-28- گرادۋستان 7-15- گرادۋسقا دەيىن،

كۇندىز 7-12- گرادۋستان 1-7- گرادۋسقا دەيىن اۋىتقيدى؛

ەلىمىزدىڭ شىعىسىندا اۋا تەمپەراتۋراسىنىڭ باسىم فونى تۇندە 15-28- گرادۋس، كۇندىز 5-15- گرادۋس شاماسىندا بولجانادى.

«اۋانىڭ ورتاشا ايلىق تەمپەراتۋراسى رەسپۋبليكانىڭ باسىم بولىگىندە نورما شاماسىندا، شىعىس قازاقستان، اباي وبلىستارىنىڭ باسىم بولىگىندە، پاۆلودار وبلىسىنىڭ سولتۇستىك- شىعىس جارتىسىندا، ماڭعىستاۋ وبلىسىنىڭ وڭتۇستىك- شىعىسىندا، اقتوبە وبلىسىنىڭ قيىر وڭتۇستىگىندە، قىزىلوردا، تۇركىستان، جامبىل، الماتى وبلىستارىنىڭ وڭتۇستىك جارتىسىندا جانە جەتىسۋ وبلىسىنىڭ وڭتۇستىك- شىعىس جارتىسىندا نورمادان 1 گرادۋس جوعارى بولادى دەپ كۇتىلەدى.

بيىلدىڭ اقپانىندا جاۋىن- شاشىن مولشەرى رەسپۋبليكانىڭ باسىم بولىگىندە نورما شاماسىندا، تۇركىستان، جامبىل وبلىستارىندا، قىزىلوردا، الماتى وبلىستارىنىڭ باسىم بولىگىندە، شىعىس قازاقستان وبلىسىنىڭ وڭتۇستىك- شىعىس جارتىسىندا، اباي وبلىسىنىڭ قيىر وڭتۇستىك- شىعىسىندا جانە جەتىسۋ وبلىسىنىڭ وڭتۇستىك- شىعىس جارتىسىندا نورمادان كوپ بولادى دەپ بولجانادى.

اقپاننىڭ ەكىنشى جانە ءۇشىنشى ونكۇندىكتەرىندە رەسپۋبليكا بويىنشا اۋا رايى تۇراقسىز بولۋى مۇمكىن دەپ بولجانادى: ەلىمىزدىڭ باسىم بولىگىندە نەگىزىنەن قارلى بۇرقاسىن، وڭتۇستىگىندە جاۋىن- شاشىن (جاڭبىر، قار)، تۇمان، كوكتايعاق»، - دەپ جازعان «قازگيدرومەت» ماماندارى.

اۋا تەمپەراتۋراسى قاي ايماقتاردا اۋىتقۋى مۇمكىن:

ەلىمىزدىڭ باتىس وڭىرلەرىندە تۇندە 15-25- گرادۋستان 7-15- گرادۋسقا دەيىن، كۇندىز 5-10- گرادۋستان 5+5- گرادۋسقا دەيىن؛

رەسپۋبليكانىڭ سولتۇستىك، ورتالىق جانە شىعىس وڭىرلەرىندە تۇندە 20-30- گرادۋستان 10-15- گرادۋسقا دەيىن، كۇندىز 10-15- گرادۋستان 2-7- گرادۋسقا دەيىن؛

ق ر وڭتۇستىگىندە، وڭتۇستىك- شىعىسىندا تۇندە 10-18- گرادۋستان 0، 5- گرادۋسقا دەيىن، كۇندىز 0، 5- گرادۋستان 3+10+ گرادۋسقا دەيىن.

اقپارات دەرەككوزى: Massaget.kz