الماتىدا ەكى اۆتوبۋس سوقتىعىسىپ، التى ادام جاراقات الدى

الماتى. قازاقپارات - الماتىدا 2-اقپان كۇنى ساعات 08:30-دا ءال-فارابي داڭعىلىندا، جاروكوۆ كوشەسىنىڭ باتىسىنا قاراي كولىك اپاتى بولدى.

ەكى قوعامدىق كولىك سوقتىعىستى، دەپ حابارلايدى قازاقپارات ىشكى ىستەر مينيسترلىگىنە سىلتەمە جاساپ.

جەرگىلىكتى پوليتسيا قىزمەتى كەزەكشى ءبولىمىنىڭ مالىمەتىنشە، 31-باعىتتاعى Yutong قوعامدىق كولىگىنىڭ جۇرگىزۋشىسى داڭعىلمەن باتىس باعىتتا كەلە جاتىپ، الدىن الا بولجام بويىنشا، اراقاشىقتىقتى ساقتاماۋ سالدارىنان ايالدامادا تۇرعان 116-باعىتتاعى SAZ قوعامدىق كولىگىمەن سوقتىعىسقان.

الدىن الا دەرەكتەرگە قاراعاندا، التى ادام دەنە جاراقاتىن الدى.

جول اپاتىنىڭ دەرەگىن بوستاندىق اۋداندىق پوليتسيا باسقارماسىنىڭ قىزمەتكەرلەرى وندىرىسكە قابىلدادى.