ون مىڭىنشى قازاقستاندىق شەتەلدەن اكەلگەن كولىگىن زاڭداستىردى

كوكشەتاۋ. قازاقپارات - كوكشەتاۋ تۇرعىنى كولىگىن زاڭداستىرعان ون مىڭىنشى ادام بولدى، دەپ حابارلايدى Polisia.kz.

31 جاستاعى ازامات ەسليامبەكوۆ Honda Odyssey ماركالى اۆتوكولىكتى ارمەنيادان الىپ كەلگەن.

بۇگىن ەر ادام ءوزىنىڭ كولىك قۇرالىن زاڭداستىرىپ، قازاقستاندىق تەحپاسپورتتى، سونداي-اق مەملەكەتتىك نومىرلىك بەلگىنى الدى.

ايتا كەتۋ كەرەك، زاڭداستىرۋ 2023 -جىلدىڭ 1-شىلدەسىنە دەيىن جالعاسادى.

ءوتىنىم بەرۋ تاسىلدەرى: eGov.kz ۇكىمەت پورتالى ارقىلى؛ ەكىنشى دەڭگەيلى بانكتەردىڭ قوسىمشالارى ارقىلى؛ ح ق و ارقىلى.

ەرەجە بويىنشا اۆتوكولىك قازاقستانعا 2022 -جىلعى 1-قىركۇيەككە دەيىن اكەلىنۋى ءتيىس، قىلمىستىق ەسەپتە بولماۋى كەرەك، باسقا مەملەكەتتە بۇرىنعى تىركەلگەن جەرى بويىنشا ەسەپتەن شىعارىلۋى قاجەت.

سونداي-اق ەۋرازيا ەكونوميكالىق وداعىنا كىرمەيتىن ەلدەردەن اكەلىنگەن اۆتوكولىك كەدەندىك تازارتۋدان ءوتۋى ءتيىس.