بولات اقشولاقوۆ «گاز وداعىنا» قاتىستى ماسەلەگە تۇسىنىك بەردى
«بۇل جەردە اڭگىمە ارنايى گاز وداعىن قۇرۋ تۋرالى بولىپ تۇرعان جوق. قازاقستان بۇرىننان رەسەي فەدەراتسياسى باعىتىندا گاز جەتكىزۋ بويىنشا ترانزيتور بولىپ كەلدى. بۇگىندە وزبەكستاننىڭ قاجەتتىلىگى ءۇشىن گاز ترانزيتى اينالىمى مۇمكىندىگىن تالقىلاۋدامىز. وزبەكستان باعىتى ءبىزدىڭ ەل ءۇشىن دە ماڭىزدى»، - دەپ ءتۇسىندىردى بولات اقشولاقوۆ.
ءمينيستردىڭ تۇسىندىرۋىنشە، مەملەكەتارالىق ەكى جاقتى جانە ءۇش جاقتى كەلىسىم ءوزارا ءتيىمدى ءىس-قيمىلعا نەگىزدەلگەن.
«اتالعان كەلىسسوزدەر قازاقستان، رەسەي جانە وزبەكستاننىڭ گاز تاسىمالداۋ قۋاتىن بىرلەسىپ قالاي پايدالانۋعا بولاتىنىن ءتۇسىنۋ ءۇشىن تەحنيكالىق تۇردە جۇرگىزىلىپ جاتىر. ياعني، گاز تارتۋ جانە تاسىمالداۋ ءۇشىن»، - ۆەدومستۆو باسشىسى.
ەسكە سالساق، بىلتىر قاراشادا قازاقستان مەن رەسەي پرەزيدەنتتەرى كرەملدە «ۇشتىك گاز وداعىن» قۇرۋ ماسەلەسىن تالقىلاعان بولاتىن.
«قازاقستان مەن وزبەكستان تەرريتورياسى ارقىلى رەسەي گازىن تاسىمالداۋ جۇمىسىن ۇيلەستىرۋ ماقساتىندا قۇرامىنا رەسەي، قازاقستان، وزبەكستان كىرەتىن «ۇشتىك گاز وداعىن» قۇرۋ ماسەلەسى قاراستىرىلعانىن اتاپ وتكەن ءجون»، - دەپ جازعان ەدى مەملەكەت باسشىسىنىڭ باسپا ءسوز حاتشىسى رۋسلان جەلدىباي پرەزيدەنتتىڭ ماسكەۋگە ساپارى بارىسىنا تۇسىنىك بەرە وتىرىپ.