اۆتوكولىك الۋعا ءوتىنىم جاڭا تارتىپپپەن قالاي راسىمدەلەدى
بيىلعى 6-اقپاندا ساعات 10 دا «ونەركاسىپتى دامىتۋ قورى» ا ق («قازاقستاننىڭ دامۋ بانكى» ا ق ەنشىلەس ۇيىمى) كولىك الۋعا جەڭىلدىكپەن پايىزى تومەن نەسيە بەرۋ باعدارلاماسى بويىنشا وتىنىمدەردى قابىلداۋ ءۇشىن جاڭا پلاتفورمانى ىسكە قوسادى. ءوتىنىم قابىلداۋ www.autonesie.kz رەسمي سايتى ارقىلى جۇرگىزىلەدى.
ءبىرىنشى كەزەكتە ەلەكتروندىق سيفرلىق قولتاڭبا ارقىلى تىركەلۋ كەرەك. وسىدان كەيىن «ءوتىنىم بەرۋ» بولىمىندە «تەلەفون ءنومىرى» تارماعىن تولتىرىپ، اۆتوموبيل قۇراستىراتىن كاسىپورندى تاڭداۋ قاجەت. ءوتىنىم تاپسىرىلعاننان كەيىن تاڭداۋ جاسالعان كاسىپورىندى وزگەرتۋگە بولمايدى.
كەلەسى كەزەكتە كولىك الاتىن ادام شارت تالاپتارىمەن تانىسۋى ءتيىس. وسى تالاپتارمەن كەلىسكەن جاعدايدا، «وفەرتا شارتىمەن كەلىسەمىن» باتىرماسىن باسىپ، ەتسق ارقىلى وتىنىمگە قول قويىلادى. بۇل ارەكەتتەردەن كەيىن پلاتفورمادا قۇجاتتاردى تەكسەرۋ باستالادى.
سونىمەن قاتار، ادامدارىڭ وتىنىمدەرى ءۇش سەبەپ بويىنشا قابىلدانباۋى مۇمكىن. بىرىنشىدەن، وسىعان دەيىن باعدارلاما اياسىندا نەسيە السا، بۇل ادامنىڭ ءوتىنىمى قابىلدانبايدى. ەكىنشىدەن، پلاتفورمادا وسى ادامنىڭ ءوتىنىمى بۇعان دەيىن ەنگىزىلىپ، قاراستىرۋ كەزەڭىنەن ءوتىپ جاتسا، جاڭا ءوتىنىمدى قوسۋ مۇمكىندىگى بولمايدى. ۇشىنشىدەن، باعدارلاماعا قاتىسىپ جاتقان بانكتە قاراجات ءليميتى تاۋسىلسا، ءوتىنىم قابىلدانبايدى.
اتالعان راسىمنەن كەيىن تىركەلگەن ءوتىنىمدى «جەكە كابينەت» ارقىلى تەكسەرۋ مۇمكىندىگى بولادى.
پلاتفورما باعدارلاماعا قاتىساتىن ادامداردىڭ پۋلىن قالىپتاستىرادى.
كولىك الۋعا جەڭىلدىكپەن نەسيە بەرۋ باعدارلاماسىنا «سارىارقااۆتوپروم» ج ش س مەن «Hyundai Trans Kazakhstan» ج ش س قاتىسادى. جەڭىلدەتىلگەن نەسيە الاتىن ادامنىڭ ءوتىنىمى ماقۇلدانسا، بۇل كومپانيالار 60 كۇن ىشىندە اۆتوكولىكتى جەتكىزۋى ءتيىس.
جالپى، اۆتوكولىك پەن نەسيەنى بەرۋدىڭ تولىق ءراسىمىن 60 كۇننىڭ ىشىندە اياقتاۋ كەرەك.