دۇنيەجۇزىلىك بانكتىڭ قازاقستانداعى تۇراقتى وكىلى تاعايىندالدى
ءمالىم بولعانداي، ەندى اندرەي ميحنيەۆ دۇنيەجۇزىلىك بانك توبى مەن قازاقستان اراسىنداعى 2020-2025 -جىلدارعا ارنالعان ارىپتەستىكتىڭ نەگىزدەمەلىك باعدارلاماسىن ىسكە اسىرۋعا جەتەكشىلىك ەتەدى.
باعدارلاما ادامي كاپيتالدى نىعايتىپ، تۇراقتىلىعىن قامتاماسىز ەتۋگە جانە تومەن كومىرتەكتى دامۋعا باعىتتالعان.
اندرەي ميحنيەۆتىڭ ەكونوميكالىق ساياساتتى جۇزەگە اسىرۋ جانە جوبالاردى باسقارۋ سالاسىندا 20 جىلدان استام تاجىريبەسى بار.
ول بۇل تاعايىنداۋعا دەيىن تاياۋ شىعىس پەن پارسى شىعاناعى ەلدەرىندە باسەكەگە قابىلەت پەن جەكە سەكتوردى دامىتۋعا باعىتتالعان باعدارلامالاردى باسقارعان.
سونىمەن قوسا، اندرەي ميحنيەۆ لاتىن امەريكاسى، وڭتۇستىك ازيا، تاياۋ شىعىس پەن سولتۇستىك افريكا، ەۋروپا مەن ورتالىق ازيانىڭ كوپتەگەن ەلدەرىندە جۇمىس ىستەگەن.
اندرەي ميحنيەۆ - ۋكراينا ازاماتى. ول «حالىقارالىق ەكونوميكا» بويىنشا ت. شەۆچەنكو اتىنداعى كيەۆ ۇلتتىق ۋنيۆەرسيتەتىندە دوكتورلىق دارەجەسىن العان.