پرەزيدەنت ەلوردانىڭ اينالاسىندا ازىق- تۇلىك بەلدەۋىن دامىتۋ تۋرالى: جۇمىس ورىندالمادى
بۇل تۋرالى مەملەكەت باسشىسى قاسىم- جومارت توقايەۆتىڭ توراعالىعىمەن ەلوردانى دامىتۋ ماسەلەلەرى جونىندەگى كەڭەس ايتتى، دەپ حابارلايدى اقوردا.
«قالاداعى وتە وزەكتى ماسەلە - ينفلياتسيانىڭ جوعارى بولۋى. بىلتىرعى جىلدىڭ قورىتىندىسى بويىنشا باعانىڭ قىمباتتاۋى 23 پايىزعا جەتكەن. بۇل - رەسپۋبليكاداعى ەڭ تومەنگى كورسەتكىشتەردىڭ ءبىرى. استانادا ازىق- تۇلىك ءبىر جىلدا ورتا ەسەپپەن 25 پايىزعا قىمباتتادى. اكىمدىك تۇراقتاندىرۋ قورىندا رەزەرۆ جيناۋدى قويىپ، «اينالىم سحەماسى» اياسىندا ساۋدا جەلىلەرىنە جەڭىلدىكپەن زايم بەرۋگە كوشتى. 14 ميلليارد تەڭگە ءبولىندى. بۇل - وڭىرلەر اراسىنداعى ەڭ جوعارى كورسەتكىش. قابىلدانىپ جاتقان شارالاردىڭ ءتيىمسىز ەكەنى انىق. جىلدار بويى ەلوردانىڭ اينالاسىندا ازىق- تۇلىك بەلدەۋىن دامىتۋ تۋرالى ايتىلدى، ءبىراق جۇمىس ورىندالمادى. استانا ازىق- تۇلىكتى الماتىدان 4 ەسە، ال شىمكەنتتەن 2 ەسە از وندىرەدى. جالپى، بارلىق وڭىرمەن سالىستىرعاندا قالا بۇل كورسەتكىش بويىنشا سوڭعى ورىندا تۇر. كەيىنگى 8 جىلدا ەلورداعا اكەلىنگەن ازىق- تۇلىك يمپورتى 3 ەسەگە ارتتى. نەگىزىنەن وسى جەردە شىعارۋعا بولاتىن ونىمدەر تۋرالى ءسوز بولىپ وتىر. بۇل رەتتە جەرگىلىكتى قايتا وڭدەۋ كاسىپورىندارى تەك جارىم- جارتىلاي جۇمىس ىستەپ تۇر. كوكونىس ساقتايتىن قويمانىڭ جەتىسپەۋى سالدارىنان جاعداي قيىنداپ وتىر. سوندىقتان 2025 -جىلعا دەيىن قالادا 13 مىڭ توننادان استام كوكونىس ساقتايتىن قويمالار سالۋ كەرەك. اۋىل شارۋاشىلىعى مينيسترلىگىنە استانا قالاسى مەن اقمولا وبلىسىنىڭ اكىمدىكتەرىمەن بىرلەسىپ، ەلوردانىڭ اينالاسىندا ازىق- تۇلىك بەلدەۋىن قالىپتاستىرۋ جونىندە پارمەندى شارالار قابىلداۋدى تاپسىرامىن»، - دەدى ق ر پرەزيدەنتى جيىندا.