ل ر ت جوباسى قاتە بولدى، ءبىراق ونى توقتاتساق، شىعىن ودان دا كوپ بولادى - پرەزيدەنت
«كەلەسى ماسەلە - قوعامدىق كولىك جۇيەسىن دامىتۋ. مەن قالا ىشىندە ادام كوپ جۇرەتىن باعىتتاردى انىقتاپ، اۆتوبۋستىڭ ءجيى قاتىناۋىن قامتاماسىز ەتۋ جونىندە ناقتى تاپسىرما بەردىم. ءبىراق تۇرعىندار ءالى كۇنگە دەيىن ايالدامادا جارتى ساعات بويى تۇرۋعا ءماجبۇر. ءتىپتى، كەيدە جولاۋشىلار اۆتوبۋسقا سىيماي جاتادى. قازىر استاناعا 400 دەن استام اۆتوبۋس جەتىسپەيدى. الداعى 5 جىلدا بۇل تاپشىلىق 2 ەسە ارتۋى مۇمكىن. 400 ايالدامادا اۆتوبۋس توقتايتىن ارنايى ورىن قاراستىرىلماعان. ال 300 ايالدامادا جابىق پاۆيلون جوق. بۇل ماسەلە، اسىرەسە، قىس كەزىندە وتە وزەكتى. LRT عا قاتىستى جۇمىستى مەيلىنشە تەزدەتىپ اياقتاۋ كەرەك. مەن بۇرىن دا ايتتىم، LRT جوباسى نەگىزىنەن قاتە بولدى. ءبىراق قازىرگى تاڭدا باسقا امالىمىز جوق، بۇل جوبانى جۇزەگە اسىرۋىمىز كەرەك. LRT- نىڭ قۇرىلىسىن توقتاتساق، شىعىن ودان دا كوپ بولادى. ال، بالاما جوبالار جوق. جالپى، اكىمدىككە ۇكىمەتپەن بىرلەسىپ، استانانىڭ كولىك جۇيەسىن دامىتۋعا ارنالعان كەشەندى باعدارلاما ازىرلەۋدى تاپسىرامىن»، - دەدى ق ر پرەزيدەنتى.