19336 گەكتاردى قۇرايتىن «نۇرا» اۋدانىنىڭ شەكاراسى كەلەسىدەي بەلگىلەندى:
ەسىل وزەنى بويىمەن قالانىڭ باتىس بولىگىندە شىعىسقا قاراي قابانباي باتىر داڭعىلىنا دەيىن، ودان ءارى قابانباي باتىر داڭعىلىنىڭ تاق جاعى جانە قارقارالى تاسجولىنىڭ باتىس جاعىمەن قالانىڭ وڭتۇستىك شەكاراسىنا دەيىن.
ەسكە سالايىق، جاڭا اۋدانعا «نۇرا» اتاۋىن بەرۋ ۇسىنىسى استانا قالاسى ونوماستيكا كوميسسياسىنىڭ وتىرىسىندا، استانا قالاسى ءماسليحاتىنىڭ قوعامدىق تىڭداۋلارىندا، استانا قالاسى قوعامدىق كەڭەسىنىڭ وتىرىسىندا جانە وزگە دە ينستانتسيالاردا قارالىپ، قولداۋ تاپقان بولاتىن.
«اۋدان اكىمى، اۋدان اكىمدىگى قىزمەتكەرلەرىنىڭ شتات سانى، ورتالىق مەملەكەتتىك ورگانداردىڭ اۋماقتىق بولىمشەلەرى جانە باسقا دا ۇيىمداستىرۋ جۇمىستارى قالا ءماسليحاتىنىڭ جاڭا قۇرامى قۇرىلعاننان كەيىن ايقىندالاتىن بولادى. ياعني، قازىرگى ۋاقىتتا قالادا ءتورت اۋدان بار، بەسىنشىسى قۇرىلۋدا»، - دەلىنگەن اكىمدىك مالىمەتىندە.