جەكە ادامداردىڭ بانكروتتىعى: قارىزى بارلار قالاي تەكسەرىلەدى

استانا. قازاقپارات – ق ر قارجى ۆيتسە-ءمينيسترى ەرجان ءبىرجانوۆ جەكە ادامداردىڭ بانكروتتىعىنا ىلىگەتىندەرگە قاتىستى ءتيىستى تەكسەرۋ ارەكەتتەرى قالاي ىسكە اسىرىلاتىنىن ءتۇسىندىردى، دەپ حابارلايدى قازاقپارات ءتىلشىسى.

«قارىزى بار ادامدار ءوتىنىم بەرگەننەن كەيىن، مەملەكەتتىك ورگاندارعا سۇراۋ جولدانادى. وسى ورايدا ءتيىستى مالىمەتتى الۋ ءۇشىن 22 باعىت بويىنشا ساۋال جىبەرەمىز. ونىڭ اراسىندا 7 مەملەكەتتىك ورگان مەن 6 ۇيىم بار. بۇل مەكەمەلەرمەن ارادا اقپارات الماسۋ رەتكە كەلتىرىلگەن. اتاپ ايتقاندا، وسى دەرەكتەرگە سۇيەنە وتىرىپ، زاڭ اياسىنداعى تالاپتارعا ساي كەلۋىن تەكسەرەمىز. ەگەر ادامدار وسى تەكسەرۋدەن وتسە، وندا 15 كۇن ىشىندە ونىڭ ءوتىنىمىن ماقۇلداپ، رەسترگە قوسامىز. بۇل تۇرعىدا بانكروتتىق اياسىندا ءوتىنىمدى قاراستىرۋدىڭ كەلەسى ساتىسىنا وتەدى»، - دەدى ەرجان ءبىرجانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

«ءبىزدىڭ پورتالدا ءوتىنىم نۇسقالارى ورنالاستىرىلعان. ادامدار ونىمەن تانىسىپ، 8- اقپانعا دەيىن ۇسىنىستارىن ايتا الادى. جالپى، وسى سالاداعى جۇمىستار ەگجەي-تەگجەيلى پىسىقتالدى جانە اقپارتتىق جۇيە دە دايىن تۇر»، - دەدى ۆيتسە-مينيستر.

بۇدان بۇرىن حابارلانعانداي، قارىزى جابىلماعان ادامدار 2023-جىلدىڭ -3 ناۋرىزىنان باستاپ بانكروتتىققا ءوتىنىش بەرە الادى.