ب ۇ ۇ وڭىرلىك ورتالىعىنىڭ باسشىسى قازاقستانعا كەلەدى
بۇل تۋرالى سىرتقى ىستەر مينيسترلىگىنىڭ اپتالىق بريفينگىندە ۆەدومستۆونىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«2-3- اقپان ارالىعىندا ناتاليا گەرمان ورتالىق ازيا ءۇشىن پريەۆەنتيۆتى ديپلوماتياسى جونىندەگى ب ۇ ۇ وڭىرلىك ورتالىعىنىڭ باسشىسى رەتىندەگى ميسسياسىنىڭ اياقتالۋىنا جانە بۇۇ تەرروريزمگە قارسى كۇرەس كوميتەتىنىڭ اتقارۋشى ديرەكتوراتىنىڭ اتقارۋشى ديرەكتورى لاۋازىمىنا تاعايىندالۋىنا بايلانىستى ورتالىق ازيا ەلدەرى بويىنشا قوشتاسۋ تۋرى شەڭبەرىندە قازاقستانعا كەلەدى. استانادا ق ر س ءى م باسشىلىعىمەن كەزدەسۋلەر جوسپارلانۋدا»، - دەپ ءمالىم ەتتى ايبەك سمادياروۆ.
ونىڭ ايتۋىنشا، كەلىسسوز بارىسىندا ب ۇ ۇ شەڭبەرىندەگى وڭىرلىك ىنتىماقتاستىق ماسەلەلەرى تالقىلانباق.
«تاراپتار ورتالىق ازيا ەلدەرى مەن ب ۇ ۇ وڭىرلىك ورتالىعى اراسىندا قالىپتاسقان كوپجىلدىق ارىپتەستىك پەن سەنىمگە نەگىزدەلگەن بۇۇ شەڭبەرىندەگى وڭىرلىك ىنتىماقتاستىق ماسەلەلەرىن، سونداي-اق ورتالىق ازيا وڭىرىندە بەيبىتشىلىك پەن قاۋىپسىزدىكتى ساقتاۋ ءۇشىن پروفيلاكتيكالىق ديپلوماتيا قۇرالدارىن دامىتۋ مەن نىعايتۋدى تالقىلاۋدى جوسپارلاپ وتىر»، - دەپ تۇيىندەدى ۆەدومستۆونىڭ رەسمي وكىلى.