جانىبەك ءالىمحان ۇلى وزىمەن جەكپە- جەككە شىققىسى كەلمەيتىن چەمپيونداردى سىنادى
«قازاق ستيلى» باسقا بەلبەۋ يەلەرىمەن جەكپە- جەك وتكىزۋگە نيەتتى ەكەنىن تاعى ءبىلدىردى.
«سەن چەمپيون بولساڭ، تيتۋلى جوقتىڭ ءبارى سەنىمەن جەكپە- جەك وتكىزگىسى كەلەدى. ال چەمپيوندار شىققىسى كەلمەيدى. چەمپيون چەمپيونمەن عانا ايقاسادى. قايداسىڭدار، چەمپيوندار؟ مەنى تانىمال ەمەس بوكسشىلار مەن چەمپيون ەمەستەر قىزىقتىرمايدى!» دەپ جازدى ءالىمحان ۇلى ءوزىنىڭ Twitter پاراقشاسىندا.
ەسكە سالا كەتەيىك، جانىبەك ەڭ سوڭعى جەكپە- جەگىن بىلتىر قاراشادا لاس- ۆەگاستا وتكىزىپ، تورەشىلەردىڭ شەشىمىمەن بريتاندىق بوكسشى دەنزەل بەنتليدەن باسىم ءتۇستى.
سول ارقىلى WBO بەلبەۋىن قورعاپ قالدى. تيتۋلدىڭ ءوزى قازاقستاندىققا امەريكالىق بوكسشى دەمەتريۋس اندرادەدەن «مۇراگەرلىك جولمەن» كەلگەن بولاتىن.
ول ءالىمحان ۇلىمەن ايقاسۋدان باس تارتىپ، ەكىنشى ورتا ديۆيزيونداعى مانسابىن جالعاستىرۋدى قۇپ كوردى.
فوتو: instagram.com/janibek_alimkhanuly
اۆتور
بالنۇر قوجاگەلدى