اسقازان نەگە شۇرىلدايدى؟

استانا. قازاقپارات - كوپشىلىك ادام اسقازاننىڭ شۇرىلداۋىن قارىن اشۋمەن بايلانىستىرادى.

شىنىمەن دە، ادام ۇزاق ۋاقىت بويى تاماق ىشپەي جۇرسە، اسقازان ءسولى اۋامەن ارالاسىپ، گاز تۇزىلەدى جانە ول شۇرىلدايدى. ءبىراق بۇل جاعىمسىز بەلگىنىڭ پايدا بولۋىنىڭ باسقا دا سەبەپتەرى بار.

اۋا جۇتىپ قويۋ

اسقازان- ىشەك جولىنا تاماقپەن بىرگە ازداپ اۋا دا تۇسەدى. ەگەر ادام ءجۇرىپ بارا جاتىپ تاماق جەسە جانە كوپ سىلەكەي بولىنسە، جۇتقان اۋا كولەمى ارتادى. وسى ارتىق اۋا اسقازاندى شۇرىلداتادى.

ارتىق تاماقتانۋ

اسقازان شۇرىلداۋىن تەك اشتىق ەمەس، ارتىق تاماقتانۋ دا ىنتالاندىرادى. اسىرەسە، ول كۇنى بويى تاماق جەمەي، كەشكىسىن كوپ جانە تەز تاماق جەگەن ادامداردا پايدا بولادى.

تەمەكى تارتۋ

تەمەكىگە تاۋەلدى ادامداردىڭ ءجيى تابەتى ناشارلايدى، ءدام جانە ءيىس سەزۋى تومەندەيدى. تەمەكى قۇرامىنداعى ۋلى ءتۇتىن، اممياك جانە ءتۇرلى قىشقىلدار اعزانى ۋلايدى. ۇزاق ۋاقىت بويى تەمەكى شەگىپ جۇرگەن ادامداردا وڭەشتىڭ شىرىشتى قاباتىنا تۇز قىشقىلىنىڭ اسەر ەتۋ ۋاقىتى ارتادى. ول ءۇشىن وڭەشتىڭ تونۋسى تومەندەپ، قىجىل جانە ءىشتىڭ شۇرىلداۋى باستالادى.

كەي ونىمدەردى كوتەرە الماۋ

كەيدە اعزا كوتەرە المايتىن ءونىم جەگەن بولساڭىز، اسقازان شۇرىلدايدى. ادەتتە، مۇنداي تاعامدا لاكتوزا بولادى: ىشەككە ونى ىدىراتۋ ءۇشىن ارنايى باكتەريالار مەن فەرمەنتتەر قاجەت. ەگەر ولار بولماسا، اعزا شۇرىلداپ اسەر بەرەدى. سونداي-اق گاز تۇزىلەتىن ونىمدەر دە وسىنداي اسەر بەرەدى. مىسالى: قىرىققابات، بۇرشاقتىلار، الما، پياز، جۇگەرى، ءجۇزىم.

جۇيكە جۇيەسى اۋرۋلارى

ءىشتىڭ شۇرىلداۋى ءتۇرلى پاتولوگيالاردى كورسەتۋى مۇمكىن. مىسالى، جۇيكە جۇيەسى اۋرۋلارى نەمەسە پسيحيكا بۇزىلىسى. ۇنەمى كۇيزەلىستە جۇرەتىن مازاسىز ادامداردا اسقازان ءسولىنىڭ ءبولىنۋى ارتادى.

ىشەك ميكروفلوراسى بۇزىلۋى

ءبىزدىڭ ىشەكتە كوپتەگەن باكتەريالار بار. ولار اعزاعا يممۋندى جانە اسقازان جۇيەسىن قالىپتى جۇمىسپەن قامتاماسىز ەتۋ ءۇشىن كەرەك. ءبىراق دۇرىس تاماقتانباعان كەزدە ىشەك ميكروفلوراسى بۇزىلادى. اسقازاننىڭ شۇرىلداۋى - ىشەك ميكروفلوراسىنىڭ بۇزىلۋىنىڭ بەلگىسى.

اۋىز قۋىسى گيگيەناسىمەن بايلانىستى پروبلەمالار

ءىشتىڭ شۇرىلداۋى اۋىز قۋىسى گيگيەناسىنىڭ جەتكىلىكسىز بولۋىمەن بايلانىستى بولۋى مۇمكىن. اۋىزعا تاماقپەن نەمەسە سۋسىنمەن بىرگە تۇسەتىن زياندى باكتەريالار وڭەشپەن اسقازان مەن ىشەككە ءتۇسۋى مۇمكىن. ولار ول جاقتا كوبەيىپ، ميكروفلورانى بۇزادى. سوندىقتان اسقازان- ىشەك جولى جۇمىسىن قالىپتا ۇستاۋ ءۇشىن اۋىز قۋىسى گيگيەناسىن ساقتاۋ كەرەك، ءتىس پەن ءتىلدى تازالاۋ قاجەت جانە ستوماتولوگقا ۋاقىتىلى قارالۋ كەرەك.

massaget.kz