«بۇگىن تۇندە جاڭادان سايلانعان سەناتور گۇلميرا كارىموۆا 45 جاسىندا كەنەتتەن قايتىس بولعانىن قايعىرا حابارلايمىز. وعان الدىن الا «انافيلاكسيالىق شوك»(انافيلاكسيالىق شوك - ومىرگە قاۋىپ توندىرەتىن جانە ايقىن گەموديناميكالىق بۇزىلىستارعا، سونداي-اق باسقا اعزالار مەن جۇيەلەر قىزمەتىنىڭ بۇزىلۋىنا ۇلاساتىن، اللەرگەنمەن قايتا جاناسۋعا قارسى تۋىنداعان ءجىتى جۇيەلىك اللەرگيالىق رەاكسيا - رەد.) دەگەن دياگنوز قويىلىپ وتىر. قازاقستان رەسپۋبليكاسى پارلامەنتى سەناتىنىڭ دەپۋتاتتارى مەن اپپاراتى گۇلميرا راينبەك قىزىنىڭ تۋىستارى مەن جاقىندارىنا كوڭىل ايتادى» دەلىنگەن حابارلامادا.
گۇلميرا راينبەك قىزى كاريموۆا 1977-جىلى 13-تامىزدا تۋعان.
1998 -جىلى سولتۇستىك قازاقستان مەملەكەتتىك ۋنيۆەرسيتەتىن «باستاۋىش سىنىپ مۇعالىمى» ماماندىعى بويىنشا، 2008 -جىلى كوكشەتاۋ ۋنيۆەرسيتەتىن «قارجى» ماماندىعى بويىنشا، 2016 -جىلى ومبى مەملەكەتتىك پەداگوگيكالىق ۋنيۆەرسيتەتىن پەداگوگيكالىق ءبىلىم بەرۋ» ماماندىعى بويىنشا ماگيستراتۋرانى ءتامامداعان.
ەڭبەك جولىن 1998 -جىلى پەتروپاۆل قالاسىنداعى قالالىق كلاسسيكالىق گيمنازيادا باستاۋىش سىنىپ مۇعالىمى بولىپ باستادى.
2006 -جىلدان باستاپ ديرەكتوردىڭ عىلىمي- ادىستەمەلىك جۇمىس جونىندەگى ورىنباسارى قىزمەتىن اتقاردى.
2010 -جىلدان باستاپ №17-ۇلتتىق جاڭعىرۋ ورتا مەكتەپ- كەشەنىنىڭ ديرەكتورى قىزمەتىن اتقاردى.
2013 -جىلدان باستاپ پەتروپاۆل قالاسىنىڭ «ءبىلىم ءبولىمى» مەملەكەتتىك مەكەمەسىنىڭ باسشىسى.
2017 -جىلى سولتۇستىك قازاقستان وبلىسى اكىمدىگىنىڭ ءبىلىم باسقارماسىنىڭ باسشىسى بولىپ تاعايىندالدى.
2021 -جىلدىڭ قىركۇيەگىنەن باستاپ - قازاقستان رەسپۋبليكاسى ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى.