تالدىقورعان تۇرعىنى الەۋمەتتىك جەلىدەگى جازبادان كەيىن ۇستالدى
ول مۇنداي جارناما تۇرىمەن اينالىسىپ جۇرگەنى الەۋمەتتىك جەلىدەگى جازبادان كەيىن انىقتالعان، - دەپ حابارلايدى Polisia.kz.
تالدىقورعاندىق بلوگەر ساندۋعاش دۇيسەنوۆا ينستراگرامداعى angry_talduk پاراقشاسىندا كۇماندى جۇرگىزۋشى-كۋرەر رەتىندە جۇمىسقا قابىلداۋ تۋرالى حابارلاندىرۋدى جاريالادى.
بەلگىسىز جۇمىس بەرۋشى كۋرەر نەمەسە جۇرگىزۋشى رەتىندە ءار شاقىرىم ءۇشىن اقى تولەنەتىن «ءالسىز ەسىرتكىلەردى» تاسىمالداۋ جانە جاسىرىن قويۋ جۇمىسىن ۇسىندى.
اقپارات بويىنشا پوليتسەيلەر جەدەل ءىس-شارالارعا كىرىسكەن. ءبىراز ۋاقىتتان كەيىن «بۇركىت» ارنايى بولىمشەسىنىڭ جاۋىنگەرلەرى تالدىقورعان تۇرعىنىن ۇستادى. كۇدىكتى كۋرەرلەر مەن ەسىرتكى ۇستاۋشىلاردى ىرىكتەۋدى ۇيىمداستىردى. سينتەتيكالىق ەسىرتكىلەردى جارنامالاۋمەن جانە ناسيحاتتاۋمەن اينالىسقان.
ول قىلمىستىق ارەكەتىن مەسسەندجەرلەر مەن الەۋمەتتىك جەلىلەردە تىركەلمەگەن تەلەفون SIM- كارتالارى ارقىلى جۇزەگە اسىرعان. ولاردىڭ ءارقايسىسىن تەك بىرنەشە رەت قولدانىپ وتىرعان.
كۇدىكتى تاۋلىگىنە ورتاشا ەسەپپەن قازاقستاننىڭ بارلىق اۋماعى بويىنشا «كۋرەرلەردى»، «تاسىمالداۋشىلاردى»، ءتۇرلى جۇمىسشىلاردى، «ولشەپ- وراۋشىلاردى»، «بۋىپ-تۇيۋشىلەردى» جالداۋ تۋرالى 30 دان 50 گە دەيىن حابارلاندىرۋ تاراتىپ، كۇنىنە 10 عا دەيىن SIM-كارتانى ىسكە قوسىپ وتىرعان.
ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆ تۇسىندىرگەندەي، ۇستالعان ادامنىڭ ءۇيىن ءتىنتۋ بارىسىندا بايلانىس وپەراتورلارىنىڭ مىڭعا جۋىق SIM-كارتاسى، ءۇش تەلەفون جانە كومپيۋتەر پروتسەسسورى الىندى. ول SIM-كارتالارىن جاقىن ماڭداعى ساۋدا ورتالىقتارىنداعى ۇيالى بايلانىس بولىمشەلەرىنەن ساتىپ الىپ وتىرعانى انىقتالدى.
اتالعان فاكتى بويىنشا ق ر ق ك-نىڭ 299-1-بابىمەن (ەسىرتكى قۇرالدارىن، پسيحوتروپتىق زاتتاردى نەمەسە ولاردىڭ انالوگتارىن، پرەكۋرسورلاردى ناسيحاتتاۋ نەمەسە زاڭسىز جارنامالاۋ) قىلمىستىق ءىس قوزعالدى. ول بويىنشا جازا مۇلكى تاركىلەنىپ، التى جىلعا دەيىن باس بوستاندىعىنان ايىرۋدى كوزدەيدى.
massaget.kz