قىرعىزستاندا بەنزين ارزانداۋى مۇمكىن
مەكەمەنىڭ حابارلاۋىنشا، الداعى ايدا باعانى كەزەڭ- كەزەڭىمەن تومەندەتۋ ناتيجەسىندە، ەلدىڭ ءىرى مۇناي ترەيدەرلەرى تاريف ساياساتىن قايتا قاراپ، جانار- جاعارماي ماتەريالدارىنىڭ (ج ج م) 1-1,5 ايعا جەتەتىن قورى بولسا جانارماي باعاسىن 5-6 سومعا تۇسىرەدى.
مونيتورينگ دەرەگىنشە، بيىلعى قاڭتاردا ا ي-92 ماركالى جانارمايدىڭ ورتاشا باعاسى بىلتىرعى جىلدىڭ وسى كەزەڭىمەن سالىستىرعاندا 1,2 سومعا ارزاندادى. دەگەنمەن ديزەل وتىنىنىڭ ورتاشا بولشەك باعاسى، كەرىسىنشە، ءبىر جىل ىشىندە 58,8 دەن 74,1 سومعا قىمباتتادى.
سونداي- اق، جەرگىلىكتى ب ا ق- تىڭ حابارلاۋىنشا، ساراپشىلار جانارماي باعاسى 1,5-2 سومنان ارتىققا ارزاندامايدى دەگەن بولجام جاساپ وتىر. ق ر- نىڭ ج ج م نارىعىندا تابيعي مونوپوليا قۇرىلعان، وتىننىڭ باسىم بولىگى رەسەيدەن كەلەدى. بەنزين باعاسىنا قاتىستى جاعداي نارىق ترانسفورماتسيالانعاندا عانا وزگەرۋى مۇمكىن.
گۇلميرا ءابدىراحمانوۆا