قىتايداعى سۇرانىستىڭ وسۋىنە قاراي مۇناي باعاسى قىمباتتاي ءتۇستى
باكۋ ۋاقىتىمەن ساعات 9:30 عا قاراي لوندوننىڭ ICE Futures بيرجاسىندا Brent ماركالى مۇنايدىڭ ناۋرىز فيۋچەرستەرى باعاسى - باررەلىنە $86,03. بۇل - الدىڭعى سەسسيانىڭ جابىلۋ باعاسىنان $0,09 (%0,1) تومەن.
نيۋ-يورك تاۋار بيرجاسىندا (NYMEX) WTI ماركالى مۇنايدىڭ اقپان ايىنداعى فيۋچەرستەرىنىڭ باعاسى وسى ۋاقىتقا دەيىن $0,11 (%0,14) ءوسىپ، باررەلىنە $80,66 دەيىن كوتەرىلدى.
ا ق ش- تىڭ ەتالوندىق مۇناي ماركاسى باعاسىنىڭ ءوسۋى ءىرى مۇناي يمپورتتاۋشى قىتايداعى سۇرانىستىڭ ودان ءارى قالپىنا كەلۋ ۇمىتىمەن، سونداي- اق شەتەلدىك ساتىپ الۋشىلار ءۇشىن شيكىزاتتى تارتىمدى ەتۋگە مۇمكىندىك بەرگەن دوللاردىڭ السىرەۋىمەن بايلانىستى.
بەيجىڭ بيلىگى قىتايدا COVID ۆيرۋسىنان قايتىس بولعاندار مەن اۋىر جاعدايلاردىڭ سانى قازىرگى كەزدە قاڭتار ايىنىڭ باسىندا بايقالعان ەڭ جوعارى دەڭگەيدەن p تومەن ەكەنىن مالىمدەدى، بۇل ەلدىڭ ەكونوميكاسى ودان ءارى قالپىنا كەلەدى دەگەن ءۇمىتتى نىعايتتى.