اۋىل جولدارىن جوندەۋگە بولىنگەن قارجىنى جىمقىرعان

پەتروپاۆل. قازاقپارات - سولتۇستىك قازاقستان وبلىسىنىڭ شەنەۋنىكتەرى اۋىلدارداعى جولداردى جوندەۋگە بولىنگەن قوماقتى قارجىنى جىمقىرعان، دەپ حابارلايدى قازاقپارات.

قارجىلىق مونيتورينگ اگەنتتىگى سولتۇستىك قازاقستان وبلىسى بويىنشا دەپارتامەنتىنىڭ قىزمەتكەرلەرى «اۋىل - ەل بەسىگى» مەملەكەتتىك باعدارلاماسى بويىنشا اسا ءىرى كولەمدە بيۋدجەت قاراجاتىن جىمقىرۋ فاكتىسىن انىقتادى.

«جول توسەمى بولماي تۇرىپ، پايدالانۋعا بەرۋ تۋرالى قۇجاتتارعا قول قويىلدى. جوسپارلانعان 53,5 شاقىرىم جولدىڭ 27 شاقىرىمى جوق. كەلتىرىلگەن شىعىن كولەمى شامامەن 450 ميلليون تەڭگەنى قۇرادى. ع. مۇسىرەپوۆ اتىنداعى اۋداندا جول سالۋ كەزىندە جىمقىرۋ فاكتىسى بويىنشا قوزعالعان قىلمىستىق ءىستى تەرگەۋ ناتيجەسىندە ۇرلىققا قاتىسى بار تۇلعالار انىقتالدى. ءىس سوتقا جىبەرىلدى»، - دەپ جازدى ۆەدومستۆودان.

جەرگىلىكتى تۇرعىندار ءۇشىن بۇل جولدىڭ سالىنۋى وبلىس ورتالىعىنان شالعاي ورنالاسقاندىقتان الەۋمەتتىك ماڭىزى بار. قما سولتۇستىك قازاقستان وبلىسى بويىنشا دەپارتامەنتىنىڭ وسىنداي جۇمىستاردى جۇرگىزۋى قازىرگى ۋاقىتتا كەيبىر ۋچاسكەلەرى جۇمىس ىستەپ تۇرعان تاس جول قۇرىلىسىن قالپىنا كەلتىرۋگە مۇمكىندىك بەردى.