بيىل «سايران» كولىنىڭ ءتۇبى تازارتىلىپ، اۋماعى اباتتاندىرىلادى - الماتى اكىمى
اكىمنىڭ ايتۋىنشا «سايران» كولى بۇكىل الماتى قالاسى ءۇشىن ەرەكشە ورىن بولىپ تابىلادى.
«1971-جىلدان باستاپ، ياعني سۋ قويماسى سالىنعاننان بەرى مۇندا رەكونسترۋكسيالاۋ جانە اباتتاندىرۋ بويىنشا اۋقىمدى جۇمىستار جۇرمەگەن. ءبىز بيىل اقپان ايىنان باستاپ اۋدانى - 50 گ ا بولاتىن سايران كولىنىڭ ءتۇبىن شوگىندىلەردەن مەحانيكالىق تازارتۋ جۇمىستارىن باستايمىز. جوسپارعا سايكەس جۇمىستاردى مامىر ايىنىڭ سوڭىنا دەيىن اياقتايمىز»، - دەدى قالا اكىمى.
ول، سونداي- اق كولدىڭ اۋماعىن اباتتاندىرۋ جۇمىستارى جايلى ايتتى.
«بيىل ناۋرىز ايىندا جوبالاۋ- سمەتالىق قۇجاتتاماسى ازىرلەنىپ، ساراپتاماسى شىعىپ، وسى جىلدىڭ ءۇشىنشى توقسانىندا كونكۋرستىق راسىمدەر اياقتالعان سوڭ، «سايران» كولىنىڭ اۋماعىن رەكونسترۋكتسيالاۋدى جانە اباتتاندىرۋدى باستايمىز»، - دەدى ەربولات دوسايەۆ.
اۆتور
دۋمان ارعىنگەلدى