فۋتبولشىلار الاڭعا نەگە بالالارمەن شىعادى؟
انگليادا كوماندا جانكۇيەرلەرى ەكىگە ءبولىنىپ، ويىننان كەيىن توبەلەسەتىن جاعدايلار ءجيى كەزدەسكەن. سوندىقتان ۇيىمداستىرۋشىلار بالالاردى مەيىرىم سيمۆولى رەتىندە قولدانعان. سول ارقىلى ولار سپورتتىق ويىن وتباسىلىق شارا ەكەنىن كورسەتپەك بولادى.
ەڭ قىزىعى باسىندا الاڭعا ءار كوماندا تەك ءبىر بالامەن شىعاتىن.
2002 -جىلعى الەم چەمپيوناتى كەزىندە فيفا يۋنەسەف- پەن بىرگە جۇمىس ىستەيدى. بالالارعا فۋتبول ارقىلى كومەك كورسەتۋ ماقساتىندا «Say Yes for Children» كامپانياسى ۇيىمداستىرىلادى. سودان بەرى الاڭدا ءار فۋتبولشى ءبىر-ءبىر بالانى وزىمەن بىرگە الىپ شىعا باستادى.
بالالاردى تاڭداۋدىڭ دا ءوز ەرەجەسى بار. كوبىنە سپورت مەكتەپتەرىن بارىپ، جوعارى ناتيجە كورسەتىپ جۇرگەن بالالاردى الاتىن بولعان. كەيبىر كوماندالار بەلسەندى جانكۇيەرلەر اراسىنان تاڭدايدى.
ال ا ق ش-تىڭ تاڭداۋ جۇيەسى مۇلدە بولەك. سپورتشىمەن الاڭعا شىعۋ ءۇشىن بالانىڭ وتباسى توپتىق بيلەت پاكەتىن ساتىپ الۋ كەرەك. بيلەتتەر سانى 50 دەن از بولماۋى ءتيىس.
ۋەفا، فيفا سىندى ءىرى شارالاردا بالالاردى تاڭداۋ ءۇشىن دەمەۋشىلەر كومەكتەسەدى.