بۇل شىنىمەن سولاي ما؟ بالانى كىشكەنتاي كەزىنەن بارلىق دىبىستى دۇرىس ايتۋعا ۇيرەتۋ كەرەك پە؟ بۇل تۋرالى لوگوپەد مامانى ءتۇسىندىردى، - دەپ حابارلايدى doctorpiter.kz.
بالانىڭ كەي دىبىستارعا ءتىلى كەلمەۋىنىڭ بىرنەشە سەبەبى بار
بالالار باسقالارعا ەلىكتەۋ ارقىلى سويلەۋدى ۇيرەنەدى، ال قازىرگى مۋلتفيلمدەردىڭ دىبىسى كوبىنە ويداعىداي جاقسى دەڭگەيدە ەمەس.
ەرەسەكتەر ءجيى سويلەۋدى جەڭىلدەتۋگە جانە قىسقارتۋعا تىرىسادى - بالالار ولاردان قايتالايدى.
بالالار ىم-يشارا ارقىلى سويلەسەدى، ال اتا-انالار ولاردى تۇسىنەدى. بۇل نارەستەلەردە سويلەۋگە دەگەن موتيۆاتسيانىڭ تومەندەۋىنە اكەلەدى - جانە دىبىستى دۇرىس ايتۋ نورمالارى بۇزىلادى.
ەكى تىلدە سويلەيتىن بالالاردىڭ سانى ارتىپ كەلەدى، بۇل ءار ءتىلدىڭ تىلدىك جۇيەلەرىنىڭ ارالىسىپ كەتۋىنە اكەلەدى.
نەگىزىندە، بالالاردىڭ كەي دىبىستى قاتە ايتۋى وسە كەلە وزدىگىنەن جويىلىپ كەتۋى مۇمكىن. لوگوپەدتىڭ ايتۋىنشا، 4,5 جاستا «ر» ءارپىن «ل» ارپىنە اۋىستىرۋى جاس ەرەكشەلىگىنە بايلانىستى جانە بالانىڭ ءتىلى كەيىن وزدىگىنەن دۇرىس قالىپتاسۋى مۇمكىن.
«مي - ادام اعزاسىنداعى نەگىزگى ورگان. سويلەۋ بۇزىلىستارى ونىڭ جۇمىسىنا اسەر ەتە المايدى، ءبىراق ولار ماتەريالدى مەڭگەرۋدە، قارىم- قاتىناستا جانە تۇلعانى قالىپتاستىرۋدا قيىندىقتار تۋدىرۋى مۇمكىن»، - دەپ تۇسىندىرەدى اناستاسيا نوۆيكوۆا.
ماماننىڭ ايتۋىنشا، ەگەر بالالاردا دۇرىس سويلەۋ مەن ارنايى فونەماتيكالىق ەستۋ بۇزىلسا، بۇل اۋىزشا قارىم- قاتىناسقا، جازۋداعى گرامماتيكالىق قاتەلەرگە اكەلۋى مۇمكىن. ارينە، بۇل وقۋعا جانە قۇرداستارىمەن، مۇعالىمدەرمەن ءوزارا ارەكەتتەسۋگە اسەر ەتەدى.
«ماسەلە شەشىلمەسە، سويلەۋ بۇزىلىستارى ەسەيگەنگە دەيىن ساقتالادى، ادامدا وزىنە سەنىمسىزدىك، كوپشىلىك الدىندا سويلەۋدەن قورقۋ، كاسىبي سالادا ءوزىن دامىتۋدا قيىندىقتار تۋىنداۋى مۇمكىن»، - دەيدى اناستاسيا نوۆيكوۆا.