ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بەرىك، قاۋىپسىز مۇزدىڭ قالىڭدىعى كەمىندە 10 سانتيمەتر بولادى. ول - كوكشىل نەمەسە جاسىل رەڭكتەرى بار ءمولدىر مۇز.
ال اق ءتۇستى مۇز بۇدان ەكى ەسە جۇقا. ەڭ قاۋىپتىسى - جاڭا قاتقان قاردان تۇراتىن سارى نەمەسە سۇر ءتۇستى مۇز.
«مۇز قالىڭدىعى بارلىق جەردە بىردەي ەمەس. ءتىپتى ءبىر سۋ ايدىنىندا دا ءارتۇرلى بولادى. وزەن- كولدەردىڭ، سۋ قويمالارىنىڭ تەرەڭ، جەلسىز شىعاناقتارىندا، توعانداردا، كارەرلەردە، اعىسى باياۋ وزەندەردە مۇز ءارقاشان جۇقا بولادى. وزەندەر مەن بۇلاقتاردىڭ ساعالارىندا مۇز قىس بويى قالىڭ بولىپ قاتپايدى»، - دەيدى دەپارتامەنتتىڭ ازاماتتىق قورعانىس باسقارماسىنىڭ باستىعى رۋسلان ورىنبەكوۆ.
مۇزدا جالعىز جۇرمەگەن ءجون. بالىق اۋلاۋعا بارساڭىز باسقا بالىقشىلار شوعىرىنا جاقىن بولىڭىز.
«جىلى كيىنىپ الىڭىز. بىرنەشە قابات كيىم بولعان ابزال. ۇستىڭىزدەگى كيىم سۋ بولعان جاعدايدا ءبىرىنشى قاباتىن شەشىپ، تەز سىعىپ، قارعا سۇرتۋگە بولادى. قازىرگى زامانعى ءجۇن ءتارىزدى ماتالار ءسال دىمقىل بولعان كەزدە دە جىلىتۋى مۇمكىن جانە ولارعا سۋ تەز سىڭبەيدى. مۇزدا جۇرگەندە ءارقاشان ءبىر-ءبىرىڭىزدىڭ اراڭىزداعى قاشىقتىق كەم دەگەندە 1-2 مەتر بولۋى قاجەت»، - دەلىنگەن اقپاراتتا.