قازاقستاندىق ەربول حاميتوۆ پاراشاڭعىدان الەم چەمپيونى اتاندى
08:40, 25 - قاڭتار 2023
استانا. قازاقپارات - شۆەتسيانىڭ ەستەرسۋند قالاسىندا پاراشاڭعى مەن پارابياتلوننان ءوتىپ جاتقان الەم چەمپيوناتىندا قازاقستاندىق ەربول حاميتوۆ جەڭىمپاز اتاندى، دەپ حابارلايدى قازاقپارات ءتىلشىسى.
«سپورتتى دامىتۋ ديرەكتسياسى» ر م ق ك- نىڭ باسپا ءسوز قىزمەتىنەن ءمالىم ەتكەنىندەي، ەربول حاميتوۆ پاراشاڭعىدان سپرينت قاشىقتىعىندا 2:44,23 ناتيجەمەن التىن مەدال جەڭىپ الدى.
ۋكراينالىق تاراس راد مارە سىزىعىن ەكىنشى بولىپ قيسا، برازيليالىق كريستيان ۆەستماەر ريبەيرا قولا جۇلدەگە يە بولدى.
بۇل - ەربول حاميتوۆتىڭ وسى بىرىنشىلىكتەگى ەكىنشى جۇلدەسى. ول الەم چەمپيوناتىنىڭ العاشقى كۇنى پارابياتلوننان قولا جۇلدەگە قول جەتكىزگەن ەدى.