ۇندەۋ ءماتىنىن كوميسسيا مۇشەسى شاۆكات وتەمىسوۆ جاريا ەتتى، دەپ حابارلايدى قازاقپارات ءتىلشىسى.
«سايلاۋعا قاتىسۋعا كونستيتۋتسيالىق قۇقىقتى ىسكە اسىرۋدىڭ كەپىلى - ءسىزدىڭ سايلاۋشىلار تىزىمىنە ەنگىزىلۋىڭىز. ءتىزىمدى داۋىس بەرۋگە ارنالعان ناقتى ۋچاسكەنىڭ اۋماعىندا، تۇرعىلىقتى جەرى بويىنشا تۇراقتى تىركەۋ نەگىزىندە جەرگىلىكتى اتقارۋشى ورگاندار - اكىمدىكتەر جاسايدى. تۇراقتى تىركەۋى جوق ازاماتتار تىزىمگە وزدەرى تۇراتىن جەردەگى اكىمدىكتەرگە بەرگەن ءوتىنىشىنىڭ نەگىزىندە ەنگىزىلەدى. داۋىس بەرۋ كۇنى ءوزىنىڭ تىركەلگەن جەرى بويىنشا سايلاۋ ۋچاسكەسىنە كەلە المايتىن ءار ازامات داۋىس بەرۋ كۇنىنە 30 كۇن قالعاندا، ياعني، 2023-جىلعى 17- اقپاننان كەشىكتىرمەي ءتيىستى اكىمدىككە ءوتىنىش بەرىپ، ءوزىنىڭ ناقتى ورنالاسقان جەرى بويىنشا سايلاۋ ۋچاسكەسىندە تىركەلۋگە قۇقىلى. ءوتىنىش تۇسكەن كەزدە اكىمدىك ازاماتتى تىركەلگەن جەرى بويىنشا تىزىمنەن شىعارىپ، ونى داۋىس بەرەتىن ۋچاسكەنىڭ تىزىمىنە ەنگىزەدى» دەلىنگەن ۇندەۋدە.
سونىمەن قاتار قۇجاتتا اتالعان قۇقىقتى داۋىس بەرۋ كۇنى تىركەلگەن جەرىندە بولمايتىن ازاماتتار، باسقا قالادان كەلگەن، ارناۋلى جوعارى جانە ورتا وقۋ ورىندارىندا وقيتىن، جاتاقحانادان تىس تۇراتىن ستۋدەنتتەر، ۆاحتالىق ادىسپەن جۇمىس ىستەيتىن ازاماتتار پايدالانا الادى.
«ازامات ءبىرتۇتاس جالپىۇلتتىق سايلاۋ وكرۋگىن، سونىمەن قاتار ءبىرمانداتتىق سايلاۋ وكۋرگتەرىن ەسكەرە وتىرىپ، سايلاۋشىلاردىڭ ءبىر عانا تىزىمىنە ەنگىزىلە الادى. سايلاۋشىلار تىزىمىنە تىركەلگەن جەرىڭىز بويىنشا ەنىپ-ەنبەگەنىڭىزدى ءتيىستى اكىمدىكتىڭ سايتى نەمەسە كولل-ورتالىعى ارقىلى تەكسەرۋگە بولادى. 2023-جىلعى 4- ناۋرىزدان باستاپ سىزگە ءوز ۋچاسكەڭىزدەگى سايلاۋشىلار تىزىمىندەگى دەرەكتەرىڭىزدى تەكسەرۋ مۇمكىندىگى بەرىلەدى. قۇرمەتتى سايلاۋشىلار! سىزدەردى قۇقىقتىق ساۋات تانىتىپ، سايلاۋعا قاتىسۋ كونستيتۋتسيالىق قۇقىعىڭىزدى ىسكە اسىرۋعا شاقىرامىز. ءوزىڭىزدى سايلاۋشىلار تىزىمىنە ەنگىزۋ ءۇشىن ءتيىستى ارەكەتتەردى ۋاقىتىلى قابىلداڭىز. اركىمنىڭ داۋىسى ماڭىزدى»، - دەدى ۇندەۋدى جاريالاعان شاۆكات وتەمىسوۆ.