مەملەكەت باسشىسى مەن پيتەر فوستەر اير استانانىڭ باعا ساياساتىن تالقىلادى
مەملەكەت باسشىسى قاسىم-جومارت توقايەۆقا Air Astana اۋە كومپانياسىنىڭ 2022-جىلعى وپەراتسيالىق جانە قارجىلىق كورسەتكىشتەرى جونىندە مالىمەت بەرىلدى. سونداي-اق كومپانيانىڭ 2023-2027-جىلدارعا ارنالعان جوسپارى باياندالدى.
Air Astana كومپانياسى ءوز اۋە پاركىن Airbus A320 جانە Boeing 787 Dreamliner سەكىلدى جاڭا بۋىن ۇشاقتارىمەن تولىقتىرۋدى جوسپارلاپ وتىر. بۇل ۇشاقتار ەلىمىزگە 2025-جىلى جەتكىزىلەدى.
پيتەر فوستەر كومپانيانىڭ بولىمشەسى Fly Arystan لوۋكوستەرىنىڭ جۇمىس پەرسپەكتيۆاسى جانە 2024-جىلى IPO- عا شىعۋعا دايىندىق تۋرالى باياندادى.
پرەزيدەنت Air Astana قىزمەتىن وڭ باعالاپ، كومپانيانىڭ ۇشاق سانىن ارتتىرۋدى جانە ۇشۋ گەوگرافياسىن كەڭەيتۋدى كوزدەيتىن ستراتەگياسىنا وڭ باعا بەردى.
سونداي-اق كەزدەسۋ بارىسىندا جولاۋشىلار سانىن ارتتىرۋعا باعىتتالعان اۋە كومپانياسىنىڭ باعا ساياساتى تالقىلاندى.