«رەسمي ستاتيستيكاعا سايكەس، 2022 -جىلدىڭ قورىتىندىسى بويىنشا جول- كولىك وقيعالارى %6 عا، ولاردان قايتىس بولعان ازاماتتار سانى %7 عا جانە جارالانعاندار %6 عا وسكەن. تالداۋ كورسەتكەندەي، جولداعى اپات ستاتيستيكاسىنىڭ ناشارلاۋى 2020-2021 -جىلدارداعى پاندەميا كەزەڭىندە ەنگىزىلگەن شەكتەۋلەر اياسىندا بولىپ وتىر. 2019 -جىلمەن سالىستىرعاندا اپات سانى شامامەن %11 عا، جارالانعاندار %14 عا قىسقاردى، قايتىس بولعاندار سانى ءىس جۇزىندە سول دەڭگەيدە قالدى»، - دەپ جاۋاپ بەردى ر. سكليار دەپۋتات ساۋالىنا.
وعان قوسا، كەيىنگى جىلدارى ەلىمىزدە اۆتوكولىك سانى ءوسىپ كەلەدى جانە 4,7 ميلليون كولىك قۇرالى بار (2019 -جىلى - 4,1 ميلليون، 2020 -جىلى - 4,2 ميلليون، 2021 -جىلى - 4,3 ميلليون).
بارلىق جول- كولىك اپاتىنىڭ %75 عا جۋىعى ەلدى مەكەندەردە، «ولىمگە اكەپ سوعاتىن» ج ك و جارتىسىنا جۋىعى قالا سىرتىنداعى تراسسالاردا بولادى. ءاربىر ءۇشىنشى جول-كولىك وقيعاسىنا ۇشىراۋشى، قايتىس بولعان جانە جارالانعان ءاربىر ءتورتىنشى ادام - جاياۋ جۇرگىنشىلەر. ج ك و- نىڭ نەگىزگى سەبەپتەرى جۇرگىزۋشىلەردىڭ جىلدامدىق رەجيمدەرىن اسىرۋى جانە جاياۋ جۇرگىنشىلەردىڭ جول ءجۇرۋ قاعيدالارىن بۇزۋى بولعاندىقتان، پوليتسيا ءتيىستى دەن قويۋ شارالارىن كۇشەيتكەن.