جالعىزباستى اناعا قالا اكىمدىگىندە شۋ شىعارعانى ءۇشىن باسىندا شارتتى جازا قولدانسا، ەندى سونى قىلمىستىققا اۋىستىرىپ، باس بوستاندىعىنان ايىرۋدى كوزدەپ وتىر دەپ حابارلادى turkystan.kz سايتى.
اسىل ۇشاقبايەۆا 2022 -جىلى قالا اكىمدىگىنە بارىپ شۋ شىعارىپ، كۇزەتشىمەن سوزگە كەلىپ قالعانى ءۇشىن 2 جىلعا شارتتى تۇردە سوتتالعان. ەندى قۇزىرلى ورگاندار سوت شەشىمى شىعىپ قويعان اكىمشىلىك ءىستى قىلمىستىق ءىس دەپ قايتا قاراپ جاتىر. پروكۋرورلار بۇل جولى ازاماتشانى باس بوستاندىعىنان ايىرۋدى سۇراپ وتىر.
«قاسقىردىڭ اۋزى جەسە دە قان، جەمەسە دە قان. ىستەگەن ءىسىمدى مويىندايمىن. ءبىراق بۇل جەردە ولار اكىمشىلىك ءىستى ادەيى قىلمىستىق ەتىپ وتىر. سول ارقىلى كوپبالالى، جالعىزباستى انالاردى قورقىتقىلارى كەلەدى. ەگەر مەن جازالانسام، باسقا انالار اكىمدىككە كەلۋىن قويادى دەپ ويلايدى. كەرىسىنشە ءبارىمىزدى اشىندىرىپ الاتىن بولادى»، - دەدى ول.
جالعىزباستى انانىڭ ايتۋىنشا، پوليتسەيلەر بۇعان دەيىن دە ۇيىنە كەلىپ، كىناسىن مويىنداۋدى تالاپ ەتكەن. بالالارى شوشىپ جىلاعان سوڭ، كورشىلەرى قۇتقارىپ قالعان.
سوت عيماراتىنا قولداۋ ءۇشىن قالاداعى 30 عا جۋىق انا كەلگەن. ولار التىن القالى انانىڭ بالاعات ءسوزى ءۇشىن بۇلاي سوتتاۋدىڭ دۇرىس ەمەس ەكەنىن ايتتى.
سۋديا ءالى دە تەرگەۋ جۇرگىزىلۋ كەرەك دەپ سوتتى كەيىنگە شەگەردى. كەلەسى سوت وتىرىسى 2023 -جىلدىڭ 27-قاڭتارىندا وتكىزىلمەك.